ودنيا بلا حب تلاشت غيومها

البارحه والنفس كثرت همومها = عيني تعاف النوم لاحد يلومها
سهرت لين الشمس بيّن شعاعها = والنفس ياناشد ترادت علومها
واللي سألت الحال حالي سبايبه =نظره بسوق المول لاعاد يومها
دخلت سوق المول والنفس ساليه =تدله ولا كثرت عليّه همومها
امشي واغني والهبايب تهبني =وطيور السعد قدمي تعلت بحومها
دخلت لكني تحسفت ليتني = ماجيت سوق المول ساعة قدومها
من شفتها والروح تلعج بروقها = مادامها شنّت عليّه هجومها
وقفت حاير لين مالت بخصرها = ياويّ ميله صوبتني سهومها
تمشي غنج والحال هذي صوايبه = من شفتها والنفس كثرت حلومها
كثرت حلوم النفس والله يعينها = لعلها تهنى بحظً يقومها
والحب سلطان المشاعر وقلبها = ودنيا بلا حب تلاشت غيومها
اويّ خفره فاقت البيض كلهن = تحط زين البيض بأوسط كمومها
عيونها ورموشها مع دلالها = دكنّ بروحي لين خارت عزومها
وجريت ونّه يوم كتفي بكتفها = في ساعة نفسي تمنى بدومها
عمهوجة منها البشر بس هايمه = والخد لاهق والحلا في وسومها
الخد يسطع والمشاعر تسوقني = وروحي ببحر الحب يابعد عومها
اعوم بحر الحب ولانيب هايبه = دام الهوى العذري صفه من سلومها
مهره جموح بالتخاتيخ ذاعره = وتجفل ليا شافت ظلال يرومها
ومالوم بصري لو تكسّر عبايره =ومالوم ابن لعبون من بعد يومها
ومالوم روحً من هوى الزين تالفه = في ليلة ترقب عليّه نجومها
سهرت لين الصبح كف كف نجومها =والعين ماتهنى ولاطاب نومها
واللي يلوم الحال قله يلومها = دام المفاتن حاضره في قدومها
والا يوّقف ساعة في غرامها =حتي يضيّع شرقها من يمومها
وحتى يعذر النفس لاطق جولها =وقامت تهجرس .. والتوجد لهومها

بـــدر العياضي

اويّ خفره فاقت البيض كلهن ... تحط زين البيض بأوسط كمومها
الاخ بدر العياضي لو شفت الله شفتها بسوق العبيكان ماقلت البيت اعلاه
حبيت امزح معك والله انك يابن العم شاعر متمكن وقصيده جميله على بحر الهلالي
لايجيدها كثير من الشعراء اسجل اعجابي بالقصيده الله يبيض وجهك ياشاعرنا الجزل المتمكن

	المشاركة الأصلية كتبت بواسطة سعد المحمدي

	اويّ خفره فاقت البيض كلهن ... تحط زين البيض بأوسط كمومها الاخ بدر العياضي لو شفت الله شفتها بسوق العبيكان ماقلت البيت اعلاه حبيت امزح معك والله انك يابن العم شاعر متمكن وقصيده جميله على بحر الهلالي لايجيدها كثير من الشعراء اسجل اعجابي بالقصيده الله يبيض وجهك ياشاعرنا الجزل المتمكن

الشاعر العزيز \ سعد المحمدي

صح بدنك يالغالي وشكراً على هذا الإعجاب والقصيدة اكتمل جمالها بمروك واشادتك الرائعة

دمت بوود

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

العزيز الحب الباقي : لاهنت على هذا المرور وصح بدنك ياغالي

,
,
,
صح لسانك وعلا شانك
والله يعطيك العافيه على القصيدة الجزله
بيض الله وجهك
مع التحيه

	المشاركة الأصلية كتبت بواسطة ابوفياض النويمي

	, , , صح لسانك وعلا شانك والله يعطيك العافيه على القصيدة الجزله بيض الله وجهك مع التحيه

العزيز ابو فياض : صح بدنك ياغالي ولاهنت على هذا المرور العطر

صح السانك

مليون

صح السانك

صح الله لسانك
ولاهنت
وسلم فكرك وبنانك
دمت برعاية الله وحفظة

اخوي القدير والشاعر بدر القويضي

صح الله لسانك ولا هان شانك على هذه الرائعه

دمت ودام تواجدك الر ائع

تقبل تقديري واحترامي