" -{ صرخة صويب }- صوتيه

السلام عليكم


حضور صوتي اول اسجله هنا
عل هذه الابيات تنال اعجابكم احبتي ..ولكم مودتي





صرخة صويب

صرخة الم في داخل القلب ياخوك=صرخة صويب بنار غادر رماها
من شي في صدري وماهو بمشكوك=شفت ظله وفي حشايه مداها
اليوم امسيت من الظيق مهلوك=والعالم الله كيف اصبح معاها
الظيم دمرني وبظيقتي متروك=جروح قلبي على حزني تباها
,=،
وقت مضى.. ووقت لاباس مدروك=ووقت عن الظيقات مطول ظحاها
كأني ابي احكي الم دم مسفوك=واذكر صويب الحب واذكر عناها
في حب ظالم مالي الدرب بالشوك=اظحت قوامي داميه في حفاها
الجرح يدمي .. اذا كان متكوك=والدم ينزف .. اذا غييّم دواها
,=،
ما قول الا صافي العلم ياخوك=جرحي عميق واحزاني ثراها
حيلي غدا من الطعنات مدكوك=ومابي اطيح بعين شامت يراها
اسمع علومي وهذا العلم دوك=اقفت هنوفي ناسيه من شراها
فجأه كذا قالت العقد مشبوك=هذي حياتي وانت أبني سواها
,=،
مالك نصيب بصحبتي واعفوك=ومالي نصيب بديرتك ومستواها
مير قلت شكراً ولا فض فوك=عيني بصيره وايدي قصير مداها
تحرّمك عيني دام غيري شروك=تحرم عليّا سيرتك واسمك معاها
اعمي عيوني لو بالغلط شافوك=واقطع لساني لو سيرتك طراها

مشهور القليطي الحربي
غيرالبشر

الشاعر / مشهور

صح لساااانك ويسلم راسك

على القصبده الجزله

تحياتــــي لـــك ..

	المشاركة الأصلية كتبت بواسطة عبدالله البراكي

	الشاعر / مشهور صح لساااانك ويسلم راسك على القصبده الجزله تحياتــــي لـــك ..

صح بدنك يالغالي
اشكرك على حضورك ولاهنت ربي يسلمك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك يالغالي
اشكرك على حضورك ولاهنت ربي يسلمك