سلام مثل العسل مجناه

سلام مثل العسل مجناه=من ضيف عابر سبيل ومر
ينصى رجال الكرم والجاه=والقلب لاشافهم ينسر

وعليكم السلام ورحمه الله
حياك الله يالقلب الابيض وشرفتنا بنضمامك
ولك تحياتي

	المشاركة الأصلية كتبت بواسطة أبن وازن

	وعليكم السلام ورحمه الله حياك الله يالقلب الابيض وشرفتنا بنضمامك ولك تحياتي

شاعرنا القدير ابن وازن مشكور يا الغالي على الترحيب لغير مستغرب منكم شاكر ومقدر مرورك العذب

	المشاركة الأصلية كتبت بواسطة القلب الابيض

	سلام مثل العسل مجناه=من ضيف عابر سبيل ومر ينصى رجال الكرم والجاه=والقلب لاشافهم ينسر

الشاعر القلب الابيض
حياك الله ومرحبابك وصح لسانك

مثل المطر لاتهامل ماه =ترحيب للضيف ومقدّر
باللي علينا السلام اقراه =ونفرح على شوفته اكثر

	المشاركة الأصلية كتبت بواسطة خالداللهيبي

	الشاعر القلب الابيض حياك الله ومرحبابك وصح لسانك مثل المطر لاتهامل ماه =ترحيب للضيف ومقدّر باللي علينا السلام اقراه =ونفرح على شوفته اكثر

البيت مازال في مبناه=وفي طبع شيابنا نفخر
فيك البقى عد ماشفناه=وعداد وبل المطر مامطر
لي صاحبا عندكم طرياه=قالو محاضر على المبر
يوم الغى بيننا وياه=يوم المنى ذك لي واجدر

	المشاركة الأصلية كتبت بواسطة القلب الابيض

	البيت مازال في مبناه=وفي طبع شيابنا نفخر فيك البقى عد ماشفناه=وعداد وبل المطر مامطر لي صاحبا عندكم طرياه=قالو محاضر على المبر يوم الغى بيننا وياه=يوم المنى ذك لي واجدر

تسلم وهذا الذي نبغاه =ياللي على الطيبه تقدر
وافي ومد الوفا مبداه=ومجود الساس والمخبر
صاحبك دور عنه تلقاه = وانته تعرفه وفيه اخّبر
والعلم حنا معك نبراه = ونبذل معه قد مانقدر

	المشاركة الأصلية كتبت بواسطة خالداللهيبي

	تسلم وهذا الذي نبغاه =ياللي على الطيبه تقدر وافي ومد الوفا مبداه=ومجود الساس والمخبر صاحبك دور عنه تلقاه = وانته تعرفه وفيه اخّبر والعلم حنا معك نبراه = ونبذل معه قد مانقدر

يم المناعير لي مشهاه=شرواك يا طيب المظهر
والرجل لازم يسج أخطاه=من مثلكم يكسب العنبر

القلب الابيض=
سلام مثل العسل مجنـاه=من ضيف عابر سبيل ومر
ينصى رجال الكرم والجاه=والقلب لاشافهـم ينسـر
خالداللهيبي =
مثل المطر لاتهامل ماه=ترحيب للضيف ومقـدّر
باللي علينا السلام اقراه=ونفرح على شوفته اكثر
القلب الابيض=
البيت مازال في مبنـاه=وفي طبع شيابنا نفخـر
فيك البقى عد ماشفنـاه=وعداد وبل المطر مامطر
لي صاحبا عندكم طرياه=قالو محاضر على المبر
يوم الغى بيننـا ويـاه=يوم المنى ذك لي واجدر
خالداللهيبي =
تسلم وهذا الذي نبغـاه=ياللي على الطيبه تقدر
وافي ومد الوفا مبـداه=ومجود الساس والمخبر
صاحبك دور عنه تلقاه=وانته تعرفه وفيه اخّبر
والعلم حنا معك نبـراه=ونبذل معه قد مانقـدر
القلب الابيض=
يم المناعير لي مشهـاه=شرواك يا طيب المظهر
والرجل لازم يسج أخطاه=من مثلكم يكسب العنبر
خالداللهيبي =
عاداتنا الضيف مانشناه=والطيب بين العرب يذكر
ترحيب منا بعد ملفـاه=والقلب عن فرحته عبّر

حياك في ملتقاك

وصح لسانك ولسان اللهيبي

	المشاركة الأصلية كتبت بواسطة عبدالجليل الفريدي

	حياك في ملتقاك وصح لسانك ولسان اللهيبي

صح بدنك يا الفريدي وبيض الله وجهك ماقصرت يا الغالي