ارجـوك لاتطعـن ظهـور المقفـيـن

14-03-10, 01:38 AM

ارجـوك لاتطعـن ظهـور المقفـيـن=طعن المقفـي عيـب واكبـر معيـره
ناحر لخصمك وطعن بسيـف رمحيـن=مايلحقـك لومـن ولـو هـي كبيـره
الغـدر ماهـو مـن صفـات الوفيـن=ولا هـو شيـم بطبوعـن و العشيـره
انهض مقامك عـن جلـوس الردييـن=لايغـرك كبـار الهـروج وصفـيـره
ناسن على ما قيـل بالحيـل فاضيـن=لاشافـو الصامـل وسمعـو هـديـره
جربـوع لليـلأ يلحقونـه بـزاريـن=نوبن يصـاد ونـوب يفخـت مسيـره
ومن صاحب الاجرب تراء اعداه بالحين=لـو ينطلـي تبقـى المعالـم حقيـره
السبـت يقفـاه الاحـد ثـم الاثنيـن=وفحص كلامي وسـط مخـك وديـره
ان جازلك هذا مـرادي علـى الزيـن=ومـا قبلتـه مـا جبرتـك و خـيـره
ولاتصب بيتك والقواعـد مـن الطيـن=لازم عليـه مهنـدسـن تستشـيـره

14-03-10, 01:58 AM

صح لسانك على هالقصيده المعبره
بانتظار جديدك

ملاحظه بسيطه
عند خطأ املائي في الكلمه الاولى من البيت الثالث

14-03-10, 02:45 AM


	المشاركة الأصلية كتبت بواسطة نداء الغيداني


	صح لسانك على هالقصيده المعبره بانتظار جديدك ملاحظه بسيطه عند خطأ املائي في الكلمه الاولى من البيت الثالث

شكرا على مروركم الرائع والجميل وصح بدنكم والله يحفظكم

14-03-10, 11:27 AM


	المشاركة الأصلية كتبت بواسطة نداء الغيداني


	صح لسانك على هالقصيده المعبره بانتظار جديدك ملاحظه بسيطه عند خطأ املائي في الكلمه الاولى من البيت الثالث

كل الشكر والتقدير للشاعر القدير والاخ العريز نداء الغداني على مروركم العذب والرائع وعلى الاطراء الجميل وصح بدنكم
والله يحفظكم

14-03-10, 02:00 AM

صح السانك

صفق الهواء قصيده ثمينه

وسمحلي تم بتعديل بعض الاخطاء البسيطه

14-03-10, 02:46 AM


	المشاركة الأصلية كتبت بواسطة عبدالله عتيق الحنيني


	صح السانك صفق الهواء قصيده ثمينه وسمحلي تم بتعديل بعض الاخطاء البسيطه

شكرا بالعكس ارتحت لي تعديلكم حيث اني كتبه تو على الكبيوتر يعني خلال ربع ساعه وارسلتها والاملاء عندي وسط واعجبني صياغة بالشكل الصحيح بالعكس كل الرضى واسرني تعديلكم الاملائي الرائع
ونحن مكملين لبعض والله الموفق
ارجو اعادتها بعد تحسين الاملاء مع تعديل الاخطاء اللغويه وشكرا