مجرد رااي للاخوه رواد اللغاز

اخواني رواد اللغاز

عندي اقتراح يمكن بعضكم يوافقني عليه

الاقتراح :هو ان يكون كل واحد منا يسمحله بطرح لغز واحد فقط

ولايجوز كل واحد يطرح لغزين ثلاثه اربعه هذا مايسبب ملل في اللغاز واللغاز المطروحه السابقه

تنشال مثل صبار العنزي له اربع اللغاز ينشالن ثلاثه ويضله واحد فقط

والراي راد لخويانا والاخوه المشرفيين


تحياتي للجميع

راي مطروح للجميع وما قالوه اخويانا نقول هدا

حياك الله ياصبار ويامرحبا يابو هاني

صحيح كثرت الالغاز وخاصة اللي يمر عليها وقت وتخطيها المراميع تسبب ملل

وحنا اتفقنا في وقت سابق ان صاحب اللغز اذا وصلت مراميعة 30 يوضحة واذا ما انحل يبقى تحت تصرف المراقب
واستأذنك برفع بعض الالغاز القديمة

حياك الله يابو هاني
ومثل ماقال ابو زياد
الغز اذا تعدى 30 مرماع اما يضيف راع الغز
بيت او يرفع تقبلو تحياتي

لاانا اعارض تزويد بيت او تنقيص بيت انا ماجيب اللغز الا لغز مقنع وارد بدل تزويده ارفعه

ليه ها الغز لازم ايحل لا خله يقعد يرفع ولايبين باللغز اما اتعداد فكان ممله الملتقى مانفعه

	المشاركة الأصلية كتبت بواسطة العضيد

	لاانا اعارض تزويد بيت او تنقيص بيت انا ماجيب اللغز الا لغز مقنع وارد بدل تزويده ارفعه ليه ها الغز لازم ايحل لا خله يقعد يرفع ولايبين باللغز اما اتعداد فكان ممله الملتقى مانفعه

اخي العضيد الي انا اقصده ليس رفع الغز او تنزيله

اللي اقصده تعدد اللغاز لشخص الواحد

مثلآ الشرع لغزين

صبار العنزي لغزيين

مهجرس لغزيين

العضيد لغزين

هذا الي مايصير لازم كل واحد لغز فقط

اما رفع الغز من ثلاثين رمعه هذا مايجوز

اذا بغى يلحق راعي الغز بيت هذا ماهو ممنوع

وهذي حلوه لتوضيح الغز


اخواني المشرفيين مدري منو رفع لغز من الغازي انا اقصد

ترفع اللغاز كلها مايرفع فقط لغز صبار العنزي

كلام سليم ولو تجدولون الاسماء وكل يعرف دوره في الالغاز فمثلا:.
1صبار2) ابوهليل 3) مراقب
وهكذا على شان ليا جاني الدور اقول يابو زياد خذ من الرصيد اللي عندك
ولوان الرصيد طلع له رجال الظاهر يبي يقضيه الله يوفقه
يعني هتوا الغاز وانا معفي ههههههه الله يعطيكم العافيه

	المشاركة الأصلية كتبت بواسطة ابوخالد الفريدي

	كلام سليم ولو تجدولون الاسماء وكل يعرف دوره في الالغاز فمثلا:. 1صبار2) ابوهليل 3) مراقب وهكذا على شان ليا جاني الدور اقول يابو زياد خذ من الرصيد اللي عندك ولوان الرصيد طلع له رجال الظاهر يبي يقضيه الله يوفقه يعني هتوا الغاز وانا معفي ههههههه الله يعطيكم العافيه

هلابك يا ابو زياد

لالا نبي كل واحد يطرح الغز له وليا انحل يجيب الغز لي وراه


والناس الي لهم الحين كل واحد لغزين ينشالن ينشال ويظل لكل واحد له لغز

وهم واحد صبار العنزي

الشرع

ومهجرس

والعضيد

	المشاركة الأصلية كتبت بواسطة صبار العنزي

	هلابك يا ابو زياد لالا نبي كل واحد يطرح الغز له وليا انحل يجيب الغز لي وراه والناس الي لهم الحين كل واحد لغزين ينشالن ينشال ويظل لكل واحد له لغز وهم واحد صبار العنزي الشرع ومهجرس والعضيد

يابوهاني حنا مانتحكم بالرياجيل ونقول يافلان حط لغز ويافلان لاتحط لغز ونحدد لكل شخص عدد معين
الملتقى ملك للجميع والله يحييكم حطوا من الجزل والملتقى يشيل واللي مايشيله الملتقى تشيله قلوبنا

حنا نقول اللغز اللي يطول وتخطيه المراميع العيب ماهو بالرجال الي ترمع المشكله يا ان اللغز لايذ اوغير دارج على الالسن او ان هناك لبس في ايصاله بالصورة الصحيحة ولذلك :

قررنا ان اللغز اذا تجاوزت المراميع ثلاثين هناك خيارين يا اما يوضح صاحب اللغز او يقع تحت تصرف المراقب

هذا آخر ماعندي وارحب بك وبالغازك وانا استأذنتك ورفعت لك عدة الغاز هذا المساء لأنها مطولة شوي والبقا بعمرك ياهداج تيما

يا مرحبا اخوي صبار وجميع الأخوان انا اشوف ترك لغز واحد لكل عضو ورفع باقي اللألغاز للعضو

اشوفه غير مجدي ما فيه مانع يكون لك لغز او اكثر انا اشوف مثل ما قال الأخوان اما يزيد بيت او

يوضح اللغز او يرفع اللغز إذا تم له مدة معينه مثلا شهر ويبلغ صاحب اللغز ويستأذن برفع لغزه

وللغز ثمرته حله وما جينا في هذا الملتقى الشامخ إلا لنستفيد