انت تاجر ماعرفنا مكسبك من راس مالك

السلام عليكم جميعا
كافوت الجلاد لاهنت :

ياكافوت اقرب شوي ولا يضيق اليوم بالك =خذ وعطنا من علوم الشعر نبغا نستفيد
انت تاجر ماعرفنا مكسبك من راس مالك = مار ذا الليله نبا نكشف على شيك الرصيد

صح لسانك ياورقان
والله يـعـطـيـك الـعـافيـــــــــــة
بيض الله وجهك

صح لسانك ياورقان

الاخ ورقان صح لسانك
وبنتظار كافوت

مرحبا ومسهلا ياورقان واستلم ::

اعرف انه مايضيق البال من راع الزمالك=مير ياورقان بسم الله من ابليس المريد
تاجرن وابيع واشري يوم وقتك ماصفالك= وكان ينقصكم من الدنيا ترا عندي مزيد

الله الله ياكفوت ومرحبا بك
استلم لا هنت :

طيع شوري صون نفسك لا تلقيها المهالك = انت غالي والعرب ياصاحبي في وقت عيد
وان بدالك بالليالي الماضياتي مابدالك = احسب احساب الليال المقبله وقتك شديد

صح لسانك بالعون انك شاعر وعاقل استلم يابعد حيي.

والله انا ماندور للقشر لكن سواللك= حوله للجاهل اللي دوم تفكيره بليد
راس مالي حافظينه وانته احفظ راس مالك=كان تبغانا نسميكم بهارون الرشيد

ولا عليك زود اخوي كافوت .... بس لو تعوذ من ابليس

لا تسميني ولا كن كان ودك سم حالك =يوم مشيك لا تعيسن بالحياة ولا سعيد
شوف يمناك الكريمه كيف خانتها شمالك= شوف كيف أهل الحساني يوم تجزا بالجحيد

	المشاركة الأصلية كتبت بواسطة ورقان

	ولا عليك زود اخوي كافوت .... بس لو تعوذ من ابليس لا تسميني ولا كن كان ودك سم حالك =يوم مشيك لا تعيسن بالحياة ولا سعيد شوف يمناك الكريمه كيف خانتها شمالك= شوف كيف أهل الحساني يوم تجزا بالجحيد

صح لسانك ياورقان كفيت ووفيت يالذيب
والله يـعـطـيـك الـعـافيـــــــــــة
بيض الله وجهك

الاخوه الكرام

الحب الباقي
ذيب العقار
سعد المحمدي


شاكر مروركم ومشاركاتكم

الله لا يهينكم