وروسن تهاب الموت لا بوها ولا بوجدها

السلام عليكم ورحمة الله وبركاته

سلام رده والهدف والقصد والمعنا جزيل=اما يذعذع عودها والا يذعذع ندها
نقدح بزندٍ من سطر و نشب في خشم الفتيل=وروس" تهاب الموت لا بوها ولا بو جدها

كفو كفو ياسلام يالجبل
صح لسانك ياشاعرنا الجزل جبل طارق
والمعذره وانا على نية سفر ومشغول
هذه الايام واتشرف باللعب معك لكن ماعندي فرصه يابن العم الكريم وشعراء ملتقانا
فيهم الخير والبركه وكلهم جزلين حقيقه ماهي مجامله وان شاء الله اللي عنده فرصه يلعب معك

الك البقا وانت العميل اللي شرب دم العميل=عد الطوال اللي بعد رحنا توايق سدها
شفناك يوم انك تحط الناب في جنب الدخيل=لا ماهقينا ان اليمين اللي تجيك تردها

شاعرنا الجزل جبل طارق وشاعرنا الجزل خليل الشعر بيض الله وجيهكم علا هذا الطارووووق الكايف واصلووووو

استلم لاهنت

دام البقا بك يا البعير الي الياحمل يشيل=مايشتكي ثقل الحمول الي عليه نشدها
نابي غرسته با الخصيم الي وراء بيضا نثيل =ويمناك شطرها وعينك للايادي لدها

الشاعر//مضحي بن جمران

صح بدنك

وتسافر وترجع با السلامه


الشاعر//ابو مشاري

صح بدنك والله يحييك

ولا عليك زود

حياك يا جبل طارق ويشرفنا اللعب معك
واستلم

لو السماء تمطر ذهب كان اغتنى منها البخيل=مار العلوم اللي ترددها عليك نحدها
حنا نجي بالوجه ياراعي المثايل والسبيل=ودربٍ مشيته ياولد حذرا الدروب تسدها

لو السما تمطر ذهب يمديك بحفونك تكيل=مايستوي هزل السوالف يا العميل وجدها
الطيب له خلان وايضا لردا عشق و خليل=والله هو الي موجد العله وموجد ضدها

صحت السنتكم
والله يـعـطـيـكم الـعـافيـــــــــــة
بيض الله وجيهكم

لو الشعر شربة لبن عليت منها بالصميل=مار المعاني الكايده لو جاء المعبر عدها
ان جاكم الطرقي يبا مزهب تقول المستحيل=خوفٍ من الطرقي يبيح للخوافي سدها