غادر وطنا والشريحه نساها

14-11-06, 12:15 AM

القلب ياماجد معذب ومهموم ======= متعذبن وهمومنا من قواها
على حبيبن غايبن له كذا يوم ===== غادر وطنا والشريحه نساها
لاجيت ابرقد حاربت عيني النوم ===== النوم عفته والسهر هو هواها
تكفى ياماجد مابها هرج وعلوم ===== يابن الرجال مقدرت من نصاها
خلي توجه صوب رفحاء وبلعوم ====== ياسكن جنوب طريف بارض بغاها
اسمه ثلاث حروف ويكتب كذا رقوم ===== الف وسين واللام كلن قراها
وضحت لك ان كان تفزع تبي تقوم ====== والسالفه مافيه غيرك دراها
مئه ثلاث ارقام تعرض وانا اسوم ======= ولا كل من ساق الياباني شراها
ازرق على ابيض وايسر الباب مصدوم ==== واضح كما الشمس النهار بسماها
هذا كلامي ياعضيدي عن القوم ======= وشيخ (ن) مثل شرواك يفزع بجاها
والحين انا يامسندي صرت مسقوم ====== ابكي واردد كلمتي ياعساها
يالله عساها وكل ماصار مقسوم ======= هذي هي الدنيا كثير(ن) غثاها
اصبر وابصبر وكل مفروق ملموم ======== وفرقن مثل هاذي قريب مداها

اخوك نواف الزايــــــــــــــــــــــــــد الرياض

14-11-06, 01:12 AM

الجميل / نواف الزايد

صح لسااانك على هذه القصيده المحمله بالإدباع والجمال

لا هنت على هذا العزف الأخااااذ

اخوي نواف انت جديد على ملتقى حرب واتمنى ان تطلع على شروط القسم والنشر في هذا القسم

حيث لا يمكن للعضو نشر قصائد في يوم واحد لكي لا يظلم الشاعر قصيدته الأولى ولكي تأخذ حقها من القراءه والرودو

ويا هلابك ويا هلا بمشاركاتك