مرحبا ياضيوف ومرحبا يا جماعـه=عد وبل السحاب اللي ترزم رعوده

حبيب =
مرحبا ياضيوف ومرحبا يا جماعـه=عد وبل السحاب اللي ترزم رعوده
كل رجلً يهوش ونجدته من ذراعه=مايشب الفتيل الا شرارة زنـوده
صياف:=
بارك الله لكم يا حافظين الوداعـه=مثل برق الحيا اللي حكمة الله تقوده
مايجيب المشاكل غير كثر الشجاعه=كل رجال ينفخ جمرته راس عـوده
حبيب =
أنت ياشاعر السحمان صايبك راعه=ومرضتك الحراره وصرعتك البروده
والمشاكل وراكم مع قبيلة خزاعـه=والخزاعي خزاعي لو طلع من حدوده
صياف:=
كان جاك الزعل نرضيك في ربع ساعه=المحالـه تصيـح والحبـال معقـوده
بعد بكره تسمع وش تقول الاذاعـه=وقتنا ماركد والناس تبغـا ركـوده
حبيب =
لاتطوع قبل تحفظ شـروط المطاعـه=ون وصلت اليمن لا تختلط مع زيوده
ولد ابو زيد أخوكم من توال الرضاعه=له ثمانيـن ليلـه مايدرهـم قعـوده
صياف:=
أكثر علوم خلق الله سوالف وأشاعه=يوم عشره نصيبك ونتبه لا تعـوده
الرضاعه مضت ماعاد فيها شفاعه=الولد كلم القاضي وحضر شهوده
حبيب =
الحرامي بعد ماشال نص البضاعـه=مايقر الحرامي لين تصفق خـدوده
والله انك سنافي لو تكب اللكاعه=مار عود لضلع هذيل حذف قروده
صياف:=
لو تزيد الرجوله ماتروح الطباعه=ياعتيبي ترى صبري تعدى حدوده
من خلقنا وكنا ما نحب الدلاعـه=أترك الادمي يفزع ويعطي جهوده
حبيب =
خل صدرك وسيع وخل عندك قناعه=أنت ودك بطنب البيت ولا عموده
مايضر المزارع غير موت الزراعـه=تنقص الزرع ياصياف ولا تـزوده
صياف:=
أنت يالعازمي عندك مخازن صناعه=والبلد مسلمينه دوب تمسك يهوده
ودي أسبع اللي مالقالـه سباعـه=مار خايف على هداج تكثر وروده
حبيب =
خابرك تصنع الهوري وتصنع شراعه=مارعسكرك راحو بوش ياسعيد جوده
لاتسوق البعير وتلتوي فـي كراعـه=البعير الهبود تحصـل امـه هبـوده
صياف:=
راعي الهوري اللي يقطع البحر باعه=كان تبغا تعود للخطر قول عـوده

الله الله


محاوره جدا رائعه


الله يرحم صياف وأموات المسلمين

الله يعطيك العافيه
سلمت يمينك ولا عدمنا وجودك بطيب اختيارك
شكرا لك

بيض الله وجهك

الله الله


محاوره جدا رائعه


الله يرحم صياف وأموات المسلمين

الله يرحم شاعر الخليج : صياف الحربي