يا اهل الولع يا مهتوين المقانيص

بسم الله الرحمن الرحيم
ايها الاخوة في ملتقى قبيلة حرب
السلام عليكم ورحمة الله وبركاته
اما بعد :
لقد حصل مجال للصيد في احد المجالس يوم ماوقال بعضهم انا قنصنا بجهة جيزان وحصلنا
على صيد كذا وكذا ومن ضمن هذا الصيد الذي يصيدونه النيص وقد استغربت صيد النيص و قلت
ان النيص ليس حلال وعارضوني هؤلاء الاخوة وقالوا بلى حلال وهم رجال ذو درايه بكل الامور
الدينية والدنيوية و قد مزحت عليهم بهذه الابيات .

ياهــل الــولع يا مهــتوين الــمقانــــــيص=تريحوا ما عــــاد للصيد مقنــــــــاص
من ضــمن الصــيد حـــللتوا النــــــــيص=اكـــــيد هذا يـــعتبر صــيدكم خــاص
يحتاج له فـتوى سمـــوحه وتـرخــــــــيص=فتوى من اهــل الــعلم ماهو تخراص
لوكــــان نــــعرفكم رجال مـــباخـــــــيص=الـــذبح يبغى له تــصاريح واخــلاص
وان حللوا ذبـــحه عن الحق ما حــــــــيص=ولا خـير في رجلٍ يــحب الـــــتملاص
انا لـــكم مـــــحقوق دايـــــم وخلــــــــيص=والعذر ما يحسب عن الرجل مخلاص
ســمن الــــعذار يقـال ماهي مخالـــــــيص=ولا تمنع الشرهات من بعض الاشخاص
والله لـــــقوم بحقــــــكم دون تنقـــــــيص=حـــيث انكم بالــطيب وافين واحـــراص
واقنص واخصص له من الوقت تخصـيص=جيبين صــالونين والــثالث الشــــــــاص
لو كـــان ماارغب للجبال المراصــــــيص=وســـكان تسكن بالــمغاور والاقفــــاص
انا شــــمالي واهــل الـــعيص بالعــــيص=وكلٍ على داره شــــفاوي ورقـــــــــاص
وتم الـــكلام وزبدة الــــــهرج تلخــــــيص=وان طال عود للسماجه و الانقــــــــاص
والا الــبحر فــيه الجواهر مـــــــــغاويص=وموجٍ يـــهابه كــل ســـابح وغـــــواص

صح الله لسانك
ولاهنت
وسلم فكرك وبنانك
دمت برعاية الله وحفظة

	بن فرهود الحربي صح الله لسانك ولاهنت وسلم فكرك وبنانك دمت برعاية الله وحفظة

صح لسانك


وبيض الله وجهك على القصيدة الرائعة


دمت مبدعاً ومتألقاً

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك
..
..
أسجل اعجابي بالقصيدة
..
ويعطيك العافيه ..

صح لسانك قصيده جميله جدااااااااااا


وطريفه بنفس الوقت


اشكرك على هذ البوح الشعري العذب



اما مسئلة تحريم صيد النيص اوانه حلال اوحرام
اعتقد انني سمعت من احد المشايخ انه حلال والله اعلم

بيض الله وجهك