حرب الدول

حـــــــرب الــــــدول

انكانك تبي للمجد دار وعنوان=هذا ترى حنا بنبذه قصيره
حنا ترانا حرب يا طير برمان =عـز وشرف ونموت من دون غيره
حرب الدول دايم على الروس تيجان=حرب الدول لاصار فالمدح سيره
حنا حمول الخيل والكل قنعان=ريف الخوي حرب الدول عز جيره
صقيلنا يسمى على العز فسقان=للشر قطعت شر وللخير خيره
خوينا يأمر على كل بطران=عزاً لنا قصة دخيل وقصيره
ونويشي ترى في نجد اثبات برهان=تعجز قبايل نجد تسير سيره
وحنا ترانا الانس وحنا ترى الجان=وحنا حماة الدار لاجات غيره
حرب تراها يوم كاسب وخسران=سور المدينة يوم نار وذخيـره
بدنا جنود الترك من ماضي الازمان=نزلنا مرابع نجد في كل ديره
حروبٍ تربينا على الحرب شجعان=شبنا وشيبنا براس الجزيره
حنا ترانا حرب في نجد ضلعان=حنا ترى الطوفان تسمع هديره
حنا ترانا البنج لا كنت سقمان=حنا ترانا السم في وسط شيره
وحنا ترانا العدل لا صرت غلبان=حـنا فرج همٍ ليمنى قصيره
وحنا ترانا البرق في عيون بدوان=حنا ترانا الغيث محلى بشيره
حنا ترانا الشهب لكل شيطان=وحنا نجم سهّل اجبال عسيره
حنا ترانا السيف من فوق الامتان=حنا على الغاوين شر وشريره
حربٍ ترى فالحرب للكل صيوان=حرب في يوم الحرب لا دق زيره
حنا ترانا العز في كل الأوطان=حنا ترى تاريخ شبه الجــزيره

الله يعطيك العافية

بس ما يبرد الكبد

الا وطيه على عالباهم تكفون شدوا الحزااااااااااااااام

ذيب خـــزاز

صح لسانك و اشهد انك ماقصرت قصيدة رائعة

يسلم فمك يابطل

قصيده ولا اروع صراحه

وننتظر جديدك يالقرم

ما قصرت يالقرم قصيده جزله ونبي غيرها

لا فض فوك

الله يعطيكم العافية على هذه الردود الطيبة .
صراحةً القبيلة مثل الام لن نوفيها حقها مهما قدمنا لها .

صح لســـــــــــــــــــــــــــــانك ......

ماقصرت والطيب مايجي منه الى الطيب

صح السانك وبيض الله وجهك

ماقصرت الله لايهينك

ذيب خزاز

بيض الله وجهك رائعه من رااائع

صح لسانك ويعطيك العافيه

تقبل اجمل التحايا

ودمت بخير