مساجله مع الشاعر العلم/ علي الحصني

وجه الشاعر العلم / علي الحصني لي هذه القصيده بعد أن أهديت له نسخه من ديوان

شاعر حرب المعروف / سبيل بن سند الحصني

جتني هديه من خيار الهداوي=هدية الشهم الوفي طيَب الصيت
لاهنت يامن لقبوك الهواوي=هواوي العلم النزيه وتسميت
معروف بالثنتين شاعر وراوي=واليا رويت تثبت العلم تثبيت
ومن الرجوله فاصلٍ لك كساوي=على الشرف والعلم الأبيض تربيت
هديتك حطيتها بالعلاوي=حطيتها باعلى مكانٍ من البيت
تستاهل الحفوه وفبها حفاوي=من عند ابو مشعل وفيها تحفويت
ياعلي خاوتني وانا لها مخاوي=واشوفها قدمي ليا اصبحت وامسيت
سحابةٍ غاثت شعيبٍ سناوي=كلٍ يقول من السحابه ترويت
ياكثر ما بالسوق سارح وضاوي=ياقل ما يرضيك كانك تنقيت
وليا سالت ابشر بكثر الفتاوي=فب وقتنا كلٍ يبي كلمة افتيت
وانا فخور بما حوته المطاوي=نوادرٍ ياعلي فيها استدليت
الي مضاربهن مضارب نداوي=يفخر بهن حيٍ قراهن بعد ميت
من لاوعنه ما يطيح متنساوي=يصبح وجمعه يابيض الوجه تشتيت
حطٍ على كبد المعادي مكاوي=ياما لصداهن بالمجالس توحيت
خلنه اطوع من قعود اللحاوي=هذا الصحيح وللسوالف تثابيت
والي غبني يابعيد الهقاوي=ناسٍ تلوث صافي السمن بالزيت
وسرحان من كسبه تعشى الضراوي=عوجا يابومشعل كبر ضلع حليت
طمس الحقايق من كبار البلاوي=يالي من الواقع جزعت وتبريت
وش لون بشت الشيخ تعطى لشاوي=ياموقتين الوقت من دون توقيت
هذا وانا بالي خلقني رجاوي=ولغير خلاق البشر ما ترجيت

الشاعر الكبير / علي عبيد الحصني

وبعد وصول هذه القصيده الجميله أثارت القريحه لدي وقمت بالرد عليها لو المثل الي يقول

(ما مع الما مويهات ) وانما هي تعبير عن مشاعر اخويه صادقه

حي الجواب الي له القلب هاوي=اعداد ما هب الهوى فيه هليت
هيَض خفوقٍ به عنى الوقت داوي=روضٍ زماليقه وسوم المنابيت
مثايلٍ من شاعرٍ ما يراوي=يمدح بهن حيٍ ويرثي بهن ميت
وان قيل منهو قلت رجلٍ غناوي=رمز الرجوله والشعر فيه غنيت
غنيت بالي مكسره عود جاوي= والمدح بابن عبيد يجزل لي البيت
بالطيب والمعروف حبله رهاوي=يقول لو ما قلت غالي ورديت
لو ان لمجاراه مانيب قاوي=عن واجب الثنتين قمت وتفانيت
الاوله عن حقها مانت غاوي=والثانيه من ثقلها هزت كميت
والقيل يابن عبيد بخس وغلاوي=شيٍ عليه العلم وشيٍ تفاويت
ولاَ النداوي كل قوله شفاوي=في حكمته وسهوم ضيه تقديت
له منزلٍ بين الكواكب سماوي=وله ماقفٍ يصعب على كل زنتيت
صفحة شرف ما هي مجرد دعاوي=وثَق بها صيتٍ وحطم بها صيت
حط الحقايق في ثغور الاهاوي=وصب القذايف فوق روس الطواغيت
ولاَ غشيش القلب ماله مداوي= الاَ مع الي عن مجالسهن اقفيت
والي لبيت الله على الحج ناوي=لابد له من وقفةٍ بالمواقيت
لو كل قلبٍ يابوفارس نقاوي=ماصار بالدنيا عفون وشماميت
بعض الحقايق يابعيد الحراوي=امر وادهى من فضيحة(وترجيت)
مادام راع البشت خلاَ الكراوي=مالي ومال مفتحين التوابيت
خل الحساني يدمحن المساوي=يالي مع اهل العرف قلت وترهيت
مااقولها خايف ولاني عماوي=لكن حسب عرفي هو الي توريت
هذا وانا مديون لك بالطراوي=دينٍ يوفيه الولد كان ما او فيت

صح السانكم ياشعارنا الغالين

وبيض الله وجيهكم

والله يـعـطـيـكم الـعـافيـــــــــــة


اخـوكم الـحـب الـبـاقـي


دمتم بخير

	المشاركة الأصلية كتبت بواسطة الحب الباقي

	صح السانكم ياشعارنا الغالين وبيض الله وجيهكم والله يـعـطـيـكم الـعـافيـــــــــــة اخـوكم الـحـب الـبـاقـي دمتم بخير

الأخ العزيز

الحب الباقي

بيض الله وجهك وأشكرك على كلامك الطيب

تقبل تحيتي وتقديري

السلام عليكم ياربعي
وصح لسان كل من الشعراء
الشاعر العلم/ علي الحصني
والشاعر الكبير /علي هليل الحربي
واقول بيض الله وجيهكم
ودمتم لحرب ذخرااااااااااااااِ

	المشاركة الأصلية كتبت بواسطة حمدي العوفي

	السلام عليكم ياربعي وصح لسان كل من الشعراء الشاعر العلم/ علي الحصني والشاعر الكبير /علي هليل الحربي واقول بيض الله وجيهكم ودمتم لحرب ذخرااااااااااااااِ

يامرحبا يابو هلا

الشاعر الكبير / حمدي العوفي

بيض الله وجهك على مرورك الطيب

تقبل التحيه والتقدير

الله يعطيك العافيه يابومشعل وبيض الله وجهك

وردك يعتبر وسام شرف لي ويكمل نقص القصيده

واشكر الخوان على الردود العاطره والكلام المشرف

	المشاركة الأصلية كتبت بواسطة علي الحصني

	الله يعطيك العافيه يابومشعل وبيض الله وجهك وردك يعتبر وسام شرف لي ويكمل نقص القصيده واشكر الخوان على الردود العاطره والكلام المشرف

لاهنت يابو فارس ووجهك ابيض وقصيدتك وافيه

وانا اتعلم القصيد معك وما دام انت وشرواك موجود الشعر بخير

وانت راع الاوله يابو فارس وراع الاوله ما ينلحق

الله الله الله

صح لسانكم يالغالين وعلي شانكم

الله يعطيكم العافيه ان شاء الله

بيض الله وجهك

اتمنالك التوفيق إن شاء الله

أخيك ابوروان

	المشاركة الأصلية كتبت بواسطة ابوروان النويمي

	الله الله الله صح لسانكم يالغالين وعلي شانكم الله يعطيكم العافيه ان شاء الله بيض الله وجهك اتمنالك التوفيق إن شاء الله أخيك ابوروان

الأخ العزيز

ابو روان النويمي

بيض الله وجهك على ردك الطيب والمشرف

تقبل تحيتي وتقديري

الشاعر على الحصني
الشاعر على بن هليل
لاعدمناكم مساجلة رائعة بين شاعرين
اسمتعت بقراءتها
تحياتي لكما