فلاح بن صياف + محمد السناني

13-11-08, 04:42 AM

بسم الله الرحمن الرحيم

محاوره جمعت بين الشاعر فلاح بن صياف والشاعر محمد بن متروك في جده بتاريخ 14/11/1429هـ

فــــلاح بــــن صــيـــاف:

مرحبا بالنيابه في محل الحـروب=من لساني وابـو فـواز وصابهـا
لو يضيق السناني ماتضيق الدروب=لين يبحث عن الضيقه وش اسبابها

محمد السناني:

البقا في قبيلة حـرب وانتـه تنـوب=سلمـوك المهمـه وانـت ادرابهـا
لي نضر فالشمال ولي نضر فالجنوب=والعرب لن توريت تحرق اعصابهـا

فــــلاح بــــن صــيـــاف:

اتكلنا على الله ذعذعي يـا هبـوب=منتـوي سـدة الثـروه وطلابـهـا
انت عندي يابن متروك رجل محبوب=لـو تبغـا تشيـل الارض بترابهـا

محمد السناني:

سهل الله لكم يـا طيبيـن القلـوب=وانت مر البيـوت وقفـل ابوابهـا
مدري انت صدق بالهرج ولا كذوب=مير دعواك هـاذي مـا بلشنابهـا

فــــلاح بــــن صــيـــاف:

عارف الشمس في مطلاعها والغروب=والعرب من زعلها رفـت اشنابهـا
ان مليت الكمر ولا مليـت الجيـوب=كم قوم (ن) من اجلك شقـت ثيابهـا

محمد السناني:

يوم مانت على الدرب العسير مغصوب=لا تكسـر عصـاك الـي تعصابهـا
ما تحملت ذنب مـن كبـار الذنـوب=والعرب في المواقف تخـدم اركابهـا

فــــلاح بــــن صــيـــاف:

في اختلاط المذاهب واختلاط الشعوب=مايعـرف المنيحـه غيـر حلابهـا

13-11-08, 05:10 AM

في اختلاط المذاهب واختلاط الشعوب= مايعـرف المنيحـه غيـر حلابهـا

صدق ورب الكعبة

جنيه الذهب قابل جنيه من الالماس

محاوره جميله

تسلم سليم الحربي على نقلها لنا

13-11-08, 10:22 PM

بيض الله وجهك علي النقل المتميز الرفيع

ماقصرت يالغالي

تقبل مروووووووور

عااااشق المراااااجل

25-11-08, 03:26 AM

بقايا وميض

عاشق المراجل

شرفتونا بمرورك لاهنت بارك الله فيكم

26-11-08, 04:08 PM

صح لسان الشاعرين
وبيض الله وجه ابن صيااااف

لاعدمناك يالذيب

20-02-09, 11:58 AM

تسلم على النقل