عرض الحروف!!!!

.
.
.
.

مرحبا باالهاجس الللي زار فكري في مساه=وارتحلني من غروب الشمس لين اشراقها
استانست له موجت التفكير وانساقت معاه=ورقا خيالي في محيط الذاكره وافاقها
وسطرت من جزل المعاني مايشد الانتباه=دام الهزيله ماابيع ولااشتري باسواقها
شاعر والا مني نهجت بدرب اعرف الاتجاه=من حيث ماوجّهت فكري مع طريق(ن)ساقها
اليا تمرّد هاجسي في معمعت فكره وتاه=ينتهك عرض الحروف الشارده باوراقها
اصوغها صوغ الذهب واسوقها سوق الزكاه=وامطر على صم الجبال النايفه برّاقها
كله عشان اللي ملك قلبي وروحي من غلاه =الجادل اللي عذبت نفسي بنار اشواقها
عشقتها واعلنتها اول عشق في هاالحياه =وسميتها ليلي وانا مجنونها وعشّاقها
ما كنت اظن ان الرجل باالحب ينزل مستواه=لين قطعت عني الوصال وقررت بفراقها

.
.
.

صح السانك اخوي عادل وبيض الله وجهك قصيده جميله

اتمنى انك لم تستعجل وانك كررت النظر في وزنها حيث انها لاتحتاج منك سواء تحريك بعض الحروف لتنساق مع اللحن وتكون بسلاسة البحر الجميل الذي اجدته في مشد القصيده اجاده تامه

ارجوان تقبل ملاحظتي برحابة صدر فلولا اعجابي بالقصيده ما ابديت ملاحظتي

الأخ عادل المخلفي

بيض الله وجهك ابداع راائع

واكيد ان الأستعجال له دور مثل راي الأخ جريح الفرقا

اتمنى لك التوفيق

تقبل اجمل التحايا

السلام عليكم


ما كنت اظن ان الرجل باالحب ينزل مستواه

صح لسانك

وهذا هو حال الحب


محمد الاحمدي

اصوغها صوغ الذهب واسوقها سوق الزكاه
وامطر على صم الجبـال النايفـه برّاقهـا
كله عشان اللي ملك قلبي وروحي من غلاه
الجادل اللي عذبت نفسـي بنـار اشواقهـا

صح لسانك قصيده جميله جدا رغم الحرفين التي سقطت سهوا في البيت الاول والاخطاء الاملائيه وارده وليس
مستغربه00
بانتظار جديدك000