واقلبي اللي بين عوج الضلوعي .................. (( مجالسية غزل)) ..............

الأخوة الكرام الفضلاء النبلاء

هذه القصيدة أتت عندما أطلقت القريحة في فضاء الخيال والتأمل

وحلقت به من غير قيود كعادة الشعراء

فأتت هذه المجالسية التي يطرب لها كل من يتغنى بها

وإليكم ياكرام

واقلبي اللي بين عوج الضلوعي =قلب على الخلان دايم جزوعي
تبكي عيوني سابلات الدموعي =من هجر خلي باح ما كان مكنون
اصبر وانا داوي جروح قديمه= والصبر منا وذا جفاكم ظليمه
أوفوا وفاكم وادعي الله بديمه =تروي ضمى من هام بالقد والنون
بلوى بلتني بالعيون الكحيله= ترمي سهام الود مكر وحيله
صادفتلي ضبيا تمايل جميله= والزين فاتن بالضبا صرت مفتون
القلب ونَ وكنَ مابه تحاشي = من ضحكة الغشاش وخبلان واشي
حاله سقيم وتوَ فالمهد ناشي =ناشي صويب القلب وبالظهر مطعون
نادوا طبيب الود يحضر علاجي =يالله يا معبود انا جيت راجي
حلوا المراوي من بعدهم هماجي= ما عاد ابشرب غير من صافي اللون
واونتي ونة صويب على الساق= ونيتها من جوف قلبي والاعماق
من واحد مشيه على هون ورفاق= يمشي ويكسر ماشي الهون بالهون
أشبهه بالبدر جوف السحايب= سد العبا يالله تبعث هبايب
وزيح غيم الصيف والجو طايب= لاطاب جوي صار للزين قانون
سهران طول الليل للعاشق امراس =جبت الدلال الصفر للبن حماس
اراعي النجم اليماني على الباس= خمسة دلال انهيت وحرقت كانون
لاواهني اللي بنومه تهنا =قلبه خلا من هم منهو تعنا
درب الموده نار ماهو بجنا= والود قاسي كنه السيف مدهون
ماحيلة الشاعر من الود حيله= الا التغني والوصوف الجميله
يارب تجمعنا براع الجديله =راع الجديله شاكي ن منه بلحون

ولكم خالص التقدير

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك بالغالي

والله يعافيك ويبارك فيك


لك خااالص التقدير

لاواهنـي اللـي بنـومـه تهـنـا
قلبه خـلا مـن هـم منهـو تعنـا
درب المـوده نـار ماهـو بجـنـا
والود قاسي كنه السيـف مدهـون




صح السانك وبيض الله وجهك حقيقه ابدعت واحيت طرق المروبع اللي اضنه شبه اندثر خاصه بنجد ... الله يعطيك العافيه

	المشاركة الأصلية كتبت بواسطة جريح الفرقا

	لاواهنـي اللـي بنـومـه تهـنـا قلبه خـلا مـن هـم منهـو تعنـا درب المـوده نـار ماهـو بجـنـا والود قاسي كنه السيـف مدهـون صح السانك وبيض الله وجهك حقيقه ابدعت واحيت طرق المروبع اللي اضنه شبه اندثر خاصه بنجد ... الله يعطيك العافيه

الله يبارك فيك ويسلمك

يالغالي

أشكرك على تعليقك الطيب


لك خاالص التقدير

ياربعنا فواز قام يتغّزل=يوصف لنا حبه لوسطٍ معزّل
كنه على كيفه وذوقه منزّل=ويقول هاجرني وانا منه مطعون
فواز يابن العم لاتجدد الهم=تراي سالي لاتخليني أهتم
يالله لعلك يابن الاجواد تسلم=هذا مروري وانت سالم وممنون

دم بعز وتقبل إجلالي

	المشاركة الأصلية كتبت بواسطة عبداللطيف العوفي

	ياربعنا فواز قام يتغّزل=يوصف لنا حبه لوسطٍ معزّل كنه على كيفه وذوقه منزّل=ويقول هاجرني وانا منه مطعون فواز يابن العم لاتجدد الهم=تراي سالي لاتخليني أهتم يالله لعلك يابن الاجواد تسلم=هذا مروري وانت سالم وممنون دم بعز وتقبل إجلالي

الله الله الله

صح لساااااانك وسلم غاليك

أتحفتني بهذه المشا ركة لله درك

لك خااالص التقدير

قصيده وافيه ومن راس وافي


لاهنت ولاهان هذا الحضور


تقبل تحيتي

	المشاركة الأصلية كتبت بواسطة ماجد بن تركي الحربي

	قصيده وافيه ومن راس وافي لاهنت ولاهان هذا الحضور تقبل تحيتي

أشكرك على مرورك الرااائع


لك خاالص التقدير

صح لسانك
..
..
أسجل اعجابي بالقصيدة
..
ويعطيك العافيه ..