يازين كلن في شقا القلب مكلوف

يازين كلن في شقا القلب مكلوف=مقسوم والمقسوم مافيه حيله
الولف مرسومن على القلب بحروف=والنفس عيت تنتهي مستحيله
من يوم شفتك بالمريدي على الشوف=كني على يازين حام المليله
يازين تقل أني عن الدرب منسوف=بعاصوف قدام الحقوق المخيله
مثل الحذيف اللي مع البير محذوف=في بير ولا من علو الطويله
ولا الهليك اللي على ند ناطوف=لاريب عنده بنقطاع العقيله
ياغض سرب شوف عيني ولا شوف=صوبت قلبي بالعيون الضليله
ياغض لاتضيع مع السرح معروف=ياغض مردود الجميله جميله
شبيت في صدري من النار سانوف=من واهجن من نار نارن شعيله
ياغض كيف أروح والقلب مخطوف=راجع دليلك يوم تاخذ دليله
وأقول ليته مقضي الحال منصوف=وتصير حالك مثل حالي نحيله
وليا ذكرت أصغير الصدر وردوف=وصفن شعا قلبي وضيع دليله
لاضره الله ناعم العود غطروف=مازون ماثقل مدقن يشيله
ياعنق ريمين على دربه أخشوف=سرعه يخم أذريعه من جفيله
عين أشقرن يدعى على راس شغنوف=متفهق الجنحان عوق الجزيله
ياصغير النهدين والوسط ملهوف=ملهوف منك القلب واعزتيله
صبري قضى وصبح على نفسي الخوف=بصدري مثل سيلن تسكر مسيله
أقول وسمعلك عسا بحالي أتروف=راع الهوى ألمن حبله يشتكيله
لون بسلوم الهوى صارت أصدوف=قامت هباهيب الهبايب تهيله
وماعاد بالدنيا بقي غيركن نوف=ماشوف غير مغذيات الجديله
ويازين فكر وفهم الصح ليطوف=لا تصير ساري ليل ماينوميله

ياللي كتبت الشعر بابيات وحروف=تسلم يمينك مابالابيات ميله
تسلم يابن ردمان والزين معروف=وانت الجزيل اللي تعاف الهزيله

دم بعز وتقبل إجلالي

صح لسانك وبيض الله وجهك
على القصيده الجزله لك كل الحب وتقدير

صح السانك وبيض الله وجهك

صح السانك قصيدهجيده

صٍْحٍّ لسٌِِّآنْكَ وٍسٌِِّلمً بٌَِنْآنْكَ

قٌٍصٍْيَدًٍة رٌٍوٍعًٍهٍَ بٌَِرٌٍوٍعًٍة حٍّضًٍوٍرٌٍكَ

دًٍمًتُِِِّْ بٌَِخٌِيَرٌٍ

أبدعت يالشاعر

صح لسانك ... بوووح راقي

دمت ودام نبض قلمك

صح السانك وبيض الله وجهك قصيده جزله الله يعطيك العافيه

الأخ فيصل حمود الوافي

صح لسانك وعتلا شانك

وحيد الجزيرة ، بن فرهود الحربي ، الحب الباقي ، سالم الفريدي ،

سالم الفريدي ، أمير الحروف ، أبو فياض النويمي 0


صح بدن الجميع ومروركم شرف لي بيض الله وجهكم