انا بكتب الاشعار والقاف توه حل

	انا بكتب الاشعار والقاف توه حل=على ظامر حلوات الابيات مطلوبه ابمش مع الخد العذي وسكنة ورحل=مثل ما سكن غيري وبمشي على دروبه مدامه ربيع ابسكنه وتركه لمحل=ولي درب مع جرة صبا نجد وشعوبه عشوبة رجالٍ قبلنا في لقاه ازحل=رجال تعرف الطيب وتعرف ما جوبه عشوبة على خمسٍ مشوهن بعقد وحل=وصايا خذوها وتعبوا كل منجوبه وصايا عليها طيب العرف ما يبحل=ولا ينقص المكيال وان جاك من صوبه ودار الزمان وكل شي بدأ ينحل=وظن اخر الايام يقضن بالنوبه يبي يحل وقت وقتنا ذا عليه بحل=علامات هذا الوقت بالكتب مكتوبه وأنا إن شفت درب مزلقان وصبخ ووحل=اجنب وخل الرجل تمشي على دوبه ولاجيب كحل وميل للعين لجل أكحل=عيون مريضه بزرق الماي مصيوبه وأنا يا عضيدي يوم اشوف الجمال ارحل=إلي مقصدي يا صاحبي جال مندوبه ترى مقصدي بالجدي والمشتري وزحل=نجومٍ تشع النور والشمس محجوبه ألا ليت من صلى وصام وسجد تنحل=عقودٍ بقلبه مبرماتٍ ومقضوبه علشان يهدي البحر في الوسط والساحل=وهو يستتر بين العرب من تحت ثوبه سعود الحصني

سعود الحصني
صح السانك
وشكرا لك على هذا العطا السخي
ترى مقصدي بالجدي والمشتري وزحل
نجومٍ تشع النور والشمـس محجوبـه
اخي لقد اعجبت اعجاب لايوصف بهذا البيت
يسلامي على هذي الصوره اللي قليل من الشعار الي يقدر ها
قصيدة شاعر متمكن
اخوي سعود التمنا لك التوفيق ولامام سير
تواجك بهذا المنتدى يعتبر دعمٍ كبير

وعن اذنكم اميز هذي ادره

أبدعت يالشاعر

صح لسانك ... بوووح راقي

دمت ودام نبض قلمك

سعود الحصني
صح السانك
وشكرا لك على هذا العطا السخي

صح لسانك كثر حروفها واكثر والله

قصيدة جزلة بالحيل ، وكل قاف احسن من الثاني


تحياتي

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

وحيد الجزيرة

صح لسانك

كلماتك غايه في الروعه

أحييك على هذا البوح المتميز

دمت ودام شعرك وبوحك

ما شاء الله


جزالة وقــوة وحكمة


صح الله لسانك


وبيض الله وجهك


تقبل تحياتي

الشاعر سعود الحصني
الله الله الله الله
تفردت وابدعت واقنعت
جرس راقي ونبض باقي
تحكم منقطع النظير
وجزالة متأصلة التعبير
الشعر والإبداع والجزاله رعيتك ياراعي الدرر
دم بعز وتقبل إجلالي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك