العوفي اللي مركزه بالسنامي

السلام عليكم ورحمة الله وبركاته
أسعد الله مساكم بلخير والمسرات
قلت هذه الأبيات عندما سئل عن أحوالي المادية
الشيخ /عبدالرزاق بن منور بن بنيان اللهيبي وهو يسأل
صديقي الخاص سويد بن عبيلان الوسيدي
أقــــول:

ياسويد عبيلان بلغ سلامي=لاهل الحفر جمله وخص اللهيبي
العوفي اللي مركزه بالسنامي=لولا غلايه مانشد وش يبي بي
سموه بسمٍ من خيار الاسامي=عبدالاله الرازق المستجيبي
ينشد وأنا حالي على مايرامي=ماني بلا طالب ولالي طليبي
لكن بن منور على الطيب سامي=وبالطيب كل اثنينكم من نصيبي
ياعزوت اللي لاعتزا مايضامي=ولا الخصيم يشيب قبل المشيبي
ياتاج راسي ياخوالي عمامي=حربي وشامخ راس عما يريبي
وقريحتي حره وحر بنظامي=والسيف ذو حدين حربي عتيبي
ويابعد ماعضيت بصمة بهامي=وأنا أعتزي بمشببٍ يعتزيبي
تمت يابو نايف ومسك الختامي=صلوا على محمد نبيي حبيبي

صح الله لسانك
ولاهنت
وسلم فكرك وبنانك
دمت برعاية الله وحفظة
وصلى الله عليه وسلم

	المشاركة الأصلية كتبت بواسطة بن فرهود الحربي

	صح الله لسانك ولاهنت وسلم فكرك وبنانك دمت برعاية الله وحفظة وصلى الله عليه وسلم

صح بدنك

وشكرا على مرورك

صح لسانك يابو فهد

تحضر ويحضر الشعر

وابو خالد كفو ويعتبر ركن للقبيله
الله يطول بعمره

	المشاركة الأصلية كتبت بواسطة حمود الغيداني

	صح لسانك يابو فهد تحضر ويحضر الشعر وابو خالد كفو ويعتبر ركن للقبيله الله يطول بعمره

رد الثناء واجب ودعمٍ لمن جاد=والمدح بالطيب وسام وشهاده

صح لسان الشاعر الكبير زيد ويستاهل عبدالرزاق ونطلب من الشاعر زيد المواصله معنا بشكل مستمر نظرا لما لديه من قصائد جميله ومعبره تستحق المتابعه

	المشاركة الأصلية كتبت بواسطة نداء الغيداني

	صح لسان الشاعر الكبير زيد ويستاهل عبدالرزاق ونطلب من الشاعر زيد المواصله معنا بشكل مستمر نظرا لما لديه من قصائد جميله ومعبره تستحق المتابعه

شكراً لك يابو سامي على هذا الاطراء
وأنت يابو سامي" فك التجوري عن الجواهر"

لاهنت وصح لسانك



تقبل التقدير والاحترام



وفقك الله

	المشاركة الأصلية كتبت بواسطة الجرح

	لاهنت وصح لسانك تقبل التقدير والاحترام وفقك الله

صح بدنك
والله يعطيك العافيه

شاعر الحمياء

زيد بن مبشر الحصني

صح لسانك و بيض الله وجهك

و بيض الله وجه الشيخ / عبد الرزاق اللهيبي

هو راعي فزعه و معروف يقدر على الطيب ... و أنت راعي مواقف و تستاهل يا ابو فهد

أشهد بالله أني أقول كلمة الحق ماأرجي من وراها شئ

و الله يطول عمرك و عمره .. و يجعل حرب في عز داااااااااااائماً