من الحب للحب

المشاعر والبيوت اللي من المهجة شرايد=والورود اليانعات وماحفظته من عددها
والبلاغة كلها من نثر واشعار وقصايد=عنصر التشويق واسرارٍ تخالج من قصدها
وسحر اساطير المحبة بالشعوب وبالبدايد=مثل قصة شهرازاد وذكرياتٍ في بلدها
واربع وعشرين صنف من الجواهر بالقلايد=والسعادة في عيون الطقل وافراحٍ وجدها
ونعمة الصحة وطعم الفوز من عقب الشدايد=ولهفة الوالد على شوف الصغير ومابعدها
كلها عندي مثل لمح البصر والشوق زايد=للتقينا ورسمت لي بهجة الدنيا بيدها
منتهى ذوق القصيد ومملكة كل الفرايد=معجزات الشعر تركع قدمها حتى تعبدها
ماتوصلني هواي بوصفها والوصف كايد=البلاغة وابلغ التشبيه مايوصف جسدها
قلب غاليها عليها بالغلا الفياض جايد=مثل فيض اللي عقب طول البطاء شافت ولدها
قال هاك الروح زدها شوق من عقب النكايد=قلت بالله هاك روحي من صدوق الشوق زدها
غربتي كانت غياب الراحلين وجيت عايد=والغريب بغربته يطلب كنوزٍ مافقدها
بين حلمٍ مستديم وبين تدبير المكايد=ساكتٍ يرجى الليال المقبلة تبدي سعدها
صابرا صبر الفقارى في رجاء جمع الفوايد=مثل من غاص البحر للجوهرة حتى وجدها
جت وحدها ماسبقها الا الحديث من القصايد=واستذلت واستحلت خافقٍ واحد وحدها

بيض الله وجهك

وعندي تحفظ على هذا العجز

((معجزات الشعر تركع قدمهـا حتـى تعبدهـا))

لو كان مابه صفة من صفات العبادة لاكان أفضل

دمت بود

الشاعرالمبدع جوهرانت شاعرغني عن التعريف وانااشكرك على هذه الجواهرالتي اتحفت هذاالمنتدى بها حيث قرات لك قصيدتين الاسبوع الماضي وقدعبرت عن اعجابي بهذ االبيت
مشكور ياجور على كل ماقلت **** بالجوهره الاوله والاخيره
واليوم اقرأ لك الجوهره الثالثه واقول
اليوم ياجوهرعلينا تفضلت *** بالثالثه رمزالمعان الغزيره
اناأشهد انك بالقصايد تجملت *** بابداعك اللي ما يقارن بغيره

صح الله لسانك وبيض الله وجهك

مافيها كلام وافيه من وافي



تحياتي

,
,
,
صح لسانك وسلم بنانك

قصيدة وافيه من وافي

بيض الله وجهك يالذيب

اتمنى لك التوفيق

اخيك ابوروان

صح لسانك وسلم بنانك



قصيدة رائعه بروعة حضورك

صح لسانك ..
..
أسجل اعجابي بالقصيدة
..
ويعطيك العافيه ..

صح الله السانك


قصيدة عانقة السماء بجزالتها وأبداعها

تحياتي لك

ومن قال سالم و غانم

صح الله لسانك

قصيدة رائعه بحق

تحياتي

اخوك

صح الله لسانك
ولاهنت
وسلم فكرك وبنانك
دمت برعاية الله وحفظة