سلام تسليمة المسلم على المسلمين

سلام تسليمة المسلم على المسلمين = مسلم يسلم على ناس بعد مسلمه
واعوذ با الله ربي من بليس العين = وين انت يا اللي ليا قال القصيد احكمه

شاعرنا ابو حرب

صح لسانك

وبيض الله وجهك

ونتظر الشاعر المقابل

ورقان


حميدان العوفي

صحت ابدانكم ومشكورين على مروركم الرائع

.
.
.
.
أبو حـــــرب

صح لسانك و سلم بنانك

بانتظااااااار الشاعر الخصم

طابت لياليكم

.
.
.

ابو حرب صح لسانك

وانا مشغول جداً ويشرفني ألعب معك وأتعلم منك

وبقية الشعراء فيهم البركه

لكن تدري الله يعيني على قضبة الصف

وأنا في صفك

قبل يجي الشاعر الثاني

صح لسانك

وبيض الله وجهك

علي هليل
صح بدنك
وشرفك الله بالايمان والطاعه
وانا اللي اتعلم منك استاذي
وكل الشعراء الموجودين هنا اكبر مني معرفه
ودامك بصفي ما احد هازمني لكن خلك بصفي قبل يجي الشاعر وبعد ما يجي

بن فرهود
صح بدنك
وشكرا لمرورك العطر

يامرحبا مرحبا ترحيب في كل حين= للحرب حربي حرابي رابح الملحمه
ان جات فاقه ترانا فالطلب حاضرين= والليل هات المعاني وانزل المحكمه

	المشاركة الأصلية كتبت بواسطة ماهر مبروك العصلاني

	يامرحبا مرحبا ترحيب في كل حين= للحرب حربي حرابي رابح الملحمه ان جات فاقه ترانا فالطلب حاضرين= والليل هات المعاني وانزل المحكمه

لعل فيك البقاء ولحد بك مستهين = لكن ابو حرب مانته قادراً تهزمه
ولحدً بفاقه ولحدً قال يامحسنين = والاظني ان النظامي يجهل الانظمه