بـعـد الـغـيـااب ...((* مــعــتــق الـعــيـاضــي *))...

بسم الله الرحمن الرحيم
السلام عليكم ورحمة الله وبركاته
بـعـد الـغـيـاب ,, قـصـيـده فـي شـاعـر حــرب القـأأدم.../ مـعـتـق الـعـيـاضـي. ((أدامـه الله)).

ياهااجسي ماعاد فيهاا معاذير=سوق الجزل دام النوايا سليمه
خابرك ماتضمى وتارد على البير=واليا غزيت الشعر نلت الغنيمه
والشعر فن ووزن حبك وتعابير=وهبه من اللي كلنا في نعيمه
اراء وافكار وتجارب وتصوير=كلن يقدم ماوهب من عزيمه
احدن يصخر وارد الفكر تصخير=وتبقى بيوته راسيات ومريمه
واحدن يجد ويجتهد بالشعر مير=محدن يميز بين سينه وجيمه
ماهو لزوم ارضي جميع الجماهير=بس المهم اكتب بمعنى وقيمه
والشاعر اللي نظرته للمشاهير=مثل الذي يرسم فباله حطيمه
وانا احمدالله من وانا توي صغير=ارضي العقول الواعيه والفهيمه
شاعر ولي خانه مابين الشواعير=خانه لها قيمه وقدر وحشيمه
تطري لي الافكار في حزة عصير=ويجذب قصيدي لاطرقني نسيمه
اقطف بيوتي مثل قطف النواوير=وتبقى بسمع اللي سمعهاا مقيمه
والشعر لو ما طال مدح المناعير=ودك من يقوله تسوقه قسيمه
سلام مني للرجال المسافير=سلام تسمع بالاذاني رزيمه
سلام به روح ومعزه وتبذير=يشفي العقول الخامله والسقيمه
مختوم من قلبي وراحت تقارير=يم "العياضات" الرجال الكريمه
تاريخهم حافل ولافيه تزوير=عدوهم بالعين يلقاا جحيمه
انشهدإنه لو كُتب بالأساطير=تملا ولاتوفي فعولٍ قديمه
واليوم بسندها على "معتق منير"=شاعر بيوته باللوازم عظيمه
يصرف بيوته مثل صرف الدنانير=نقض وفتل ماهي بيوتٍ غشيمه
من قابله تصعب عليه التفاسير=كنه طلب فمقابلته الهزيمه
يوم البحر ترسي عليه البوابير=معتق رسى وسط العقول الحكيمه
صغير سن! وبالشعر ماهو صغير=عزالله انه بالملاعب صتيمه
يااحرب؟ ماات اللي يرد الطوابير=وجانا الذي يشكي بيوته خصيمه
وياسااحة الشعاار هااك التبااشير=العااقبه ماهي معانا وخيمه
من عقب ابن "عواد" فالوقت الأخير=جاتك ظليمه مابعدهاا ظليمه
واليوم جااك اللي على يديه تطوير=على طريق العود يالله تديمه
وهذي بيوتي للعياضي مصاادير=من منطق إحميه وحقٍ وشيمه
ولو الحميه مااخلقت في تغيير=ما أردهم لاقالو إني بهيمه
وإن كان بأبياتي دوادي وتقصير؟=لايلحق الهمال ياحرب ديمه!

وسلمتووو

	صح لسانك مليون على القصيده والله يـعـطـيـك الـعـافيـــــــــــة بيض الله وجهك ويستاهل كل خير شاعرنا معتق العياضي

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك ويستاهل كل خير شاعرنا معتق العياضي

الحب الباقي
صح بدنك والله يعافيك ووجهك ابيض شكرا لك على المرور

,
,
الشاعر معتق العياضي يستاهل

شاعر متمكن ورائع بمعنى الكلمه
,
صح لسانك وسلم بنانك

قصيدة وافيه من وافي

بيض الله وجهك يالذيب

اتمنى لك التوفيق

اخيك ابوروان

	المشاركة الأصلية كتبت بواسطة ابوروان النويمي

	, , الشاعر معتق العياضي يستاهل شاعر متمكن ورائع بمعنى الكلمه , صح لسانك وسلم بنانك قصيدة وافيه من وافي بيض الله وجهك يالذيب اتمنى لك التوفيق اخيك ابوروان

ابوروان النويمي.

صح بدنك ووجهك أبيض

والله يوفق الجميع .. شكراً لك على مرورك

مِــدادكَـ .. غـشـاهـا .. الـ صـدق ..


وأحـاطـهـا .. الـ نـقــاء !!


صـ لسـانـكـ ـح ..

.
.
.
.
الشاعر / عبد العزيز السبيل
.
.

صح لسانك ... و سلمت بنانك .... و يستاهل شاعرنا / معتق العياضي

أنا أشهد أنه كفووووووو و
.
.
.

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

راعي الحناكيه

صح الله لسانك
ولاهنت
وسلم فكرك وبنانك
دمت برعاية الله وحفظة

صح السانك ولاهنت



قصيده رائعه من رائع

لك تحياتي