أزهم على الجوااال وأزهم على البيت

السلام عليكم ورحمة الله وبركاته
أسعد الله أوقاتكم جميعًا
أبيات متواضعة لعلها تنال إعجابكم.,,

أنا بالأرطاوية وجاي من هيت= أبغى القصيم وربك يكون بالعون
رحال ماني مع قنوص وكواشيت= أتبع هوى وضح ن بها صرت مجنون
كانك تبي تنشد عن الحال حييت = أنا بخير ولأهل الطيب ممنون
ولامن جدايد غير قاف ن على (ايت) = يوم ان .................
وشغلت لي بمسجل الجيب كاسيت= غناء محمد عبده وفرقة فنون
وكتبت لي بك يأتلع الجيد كم بيت= تعنيك يالمجمول معنى ومضمون
البارحة في تالي الليل دقيت=على الحبايب مار عيوا يردون
أزهم على الجوال وأزهم على البيت= حتى الخدم مايرفعون التليفون
يانور عيني كان دوبك توريت=على فراقي لاتسارق على هون
أنا ترى مااقبلت كان انت مااقفيت= مانيب من بعض المواضيع مغبون
خذ الحقيقة كاش مادامك ابطيت= تراك معي من أول الوقت مديون
أطلبك وتماطل بحقي ولا اوفيت= موعد على الراتب وموعد على الشون
النفس طابت منك مره وأنا أجزيت= مقفي ترك مقفي ولا عاد يلفون
أثًر خريفك في ربيعي وحتيت = خضر الورق وأيبست من فعلك غصون
استوحشت منها الحمايم وغنيت= واستقبلت صوتي وغنت لي لحون
ياذا الحمام اللي لأجل خاطري جيت= مااعذب هديلك لكن القلب مشحون
ماعاد لي قدرة تحمل وسمًيت=أنويت واستهويت وأبحت مكنون
وللصوت بأعلى نايف الرجم جريت= فرقًا عليها العلم وابليس ملعون
النفس بتاعة وأنا ماتحريت = اجابة المقفين لوكان يوحون
لاخاب ظني بأي صاحب تهقويت = أفارقه بالوجه الأبيض ولايهون
طبعي كذا استغربت والا أقريت=ويبقى غلاه بداخل القلب مصيون
وشلون أببعث حي والا اقتل الميت=أبترك الصفحة من حروفي بدون
تاخذني العزة بإثمي وإذا جيت= قلت الغلا من الله وأنا مابيدي لون
اديار أقدر ناسها من سبب بيت= وإنسان أجافي من سبايبه مليون

وتقبلوا تحيات أخوكم /
أحــمــد بن نــاحــل

الناقد والمشرف احمد بن ناحل

صح لسانك وانا اخوك على هلقصيدة الأكثر من رائعة

ابيات في غاية الروعه

	المشاركة الأصلية كتبت بواسطة بن فرهود الحربي

	الناقد والمشرف احمد بن ناحل صح لسانك وانا اخوك على هلقصيدة الأكثر من رائعة ابيات في غاية الروعه

بن فرهود الحربي

صح بدنك ولاهنت

وشكرا على الحضور الرائع

تحياتي لك...,

مِــدادكَـ .. غـشـاهـا .. الـ صـدق ..


وأحـاطـهـا .. الـ نـقــاء !!


صـ لسـانـكـ ـح ..


مــدد .. بـ .. لا .. عــدد ..


دمــتَ .. كمـا .. أنــت ..


بـ انتظـار .. الـ مـزيـد ..


أخي .. الـ كـريــم ..

	المشاركة الأصلية كتبت بواسطة سالم الفريدي

	مِــدادكَـ .. غـشـاهـا .. الـ صـدق .. وأحـاطـهـا .. الـ نـقــاء !! صـ لسـانـكـ ـح .. مــدد .. بـ .. لا .. عــدد .. دمــتَ .. كمـا .. أنــت .. بـ انتظـار .. الـ مـزيـد .. أخي .. الـ كـريــم ..

سالم الفريدي

صح بدنك ولاهنت

شكرا على حضورك الرائع

تحياتي لك...,

شاعر المبدع احمد ابن ناحل
صح السانك مليون

اخذتها حرف حرف وعزالله قصيده ممتعه جدا ودخول للهدف كذالك

	المشاركة الأصلية كتبت بواسطة غازي الزغيبي

	شاعر المبدع احمد ابن ناحل صح السانك مليون اخذتها حرف حرف وعزالله قصيده ممتعه جدا ودخول للهدف كذالك

العملاق / غازي الزغيبي

صح بدنك أكثر ولاهنت

مرورك بحد ذاته شرف كبير للقصيدة وراعيها

تحياتي لك...,

.
.
.
.
.
الله الله
على الإبداع يا أبن نـــــــاحل

البارحـة فـي تالـي الليـل دقـيـت=على الحبايـب مـار عيـوا يـردون
أزهم على الجوال وأزهم على البيـت=حتـى الخـدم مايرفعـون التليفـون

طيب ليش مايردون الله يهديهم ..... يمكن انك مزعلهم يا احمد هههههه
ما أقدر أقول إلا صح لسانك و بيض الله وجهك على كل ماتبذله من جهود في هذا الملتقى .... فاقبل خالص شكري و تقديري

	المشاركة الأصلية كتبت بواسطة فارس عوف

	. . . . . الله الله على الإبداع يا أبن نـــــــاحل البارحـة فـي تالـي الليـل دقـيـت=على الحبايـب مـار عيـوا يـردون أزهم على الجوال وأزهم على البيـت=حتـى الخـدم مايرفعـون التليفـون طيب ليش مايردون الله يهديهم ..... يمكن انك مزعلهم يا احمد هههههه ما أقدر أقول إلا صح لسانك و بيض الله وجهك على كل ماتبذله من جهود في هذا الملتقى .... فاقبل خالص شكري و تقديري

الغالي فارس عوف

هذا اللي الله أراد وأنا ماأزعلت احد هههه

صح بدنك ولاهنت

وشكرا على تعليقك اللطيف والمتميز

تحياتي لك....,

صح لسانك يابن ناحل .. قصيدة جميله بما تملك من حس صادق
بيت بقصيدة :
اديار أقدر ناسهـا مـن سبـب بيـت
وإنسان أجافي مـن سبايبـه مليـون