ياليل ... همي ما تنقى من الناس

السلام عليكم ورحمة الله وبركاته

أعتذر لكم عن الغياب الطويل لكن بسبب دراستي ( في ثالث ثانوي ) لم أستطع أن أتواجد غالبا

خصوصا بعد النظام التراكمي

على العموم

هذه قصيدة أو أبيات متواضعة أقدمها لكم عسى أن تنال إعجابكم

ياليل ... همي ما تنقى من الناس = كود النفوس اللي عناها حبسها
ونفوسنا صارت تحت ضربة الفاس = هم البشر ضيّق عليها نفسها
حوّل سعادتنا شقا والصبر ياس = وحظوظنا زود عليها نحسها
حوّل ذهب عمر المعنـّا إلى نحاس = وأفراحنا لامن لقاها عكسها
وصدورنا ضاقت عليهنّ الأنفاس = وشموسنا عم الظلام وطمسها
همي بحر دايم به الناس غطاس = ونفوسنا في غبته قد غمسها
لامن شكينا يضرب الفاس بالراس = نسكت وهم قلوبنا قد حمسها
دايم علينا همنا مسلـّط الباس = له جلسةٍ لامن جلسها جلسها
نصبر ونصبر لكن أتعاسنا أتعاس = ونفوسنا عيا يتسهّل تعسها
دايم ليالينا سكونً بلا نعاس = شفها ليالينا تمادى بخرسها
نلبس من هموم الليالي لنا لباس = والله يعين اللي همومه لبسها
والهم بعد القمة يزعزع الساس = بصدرونا أخطارً يدوي جرسها
نصبر لو إنا قد شربنا من الكاس = همومً يضيّق علينا عمسها
تاتي همومً ما هقينا لها قياس = وهمومنا فينا تضاعف هوسها
عمر السعد ما شابه لحالة عماس = خضر الشجر لا ما يشابه يبسها
جمع الحصى ما شابه لجمع الألماس = نفع الشجر للي بيدينه غرسها
هذا ملخـّص حالةٍ بين الأقواس = ( حال النفوس اللي عناها حبسها )

.
.
وسلامتكم

السلام عليكم ورحمة الله وبركاته
سلمت ودمت أخوي الشاعر سلطان السليمي على القصيدة جزله ورائعه وصح لسانك
أخوك ابوساره

يعطيك العافية اخي الشاعر سلطان السليمي قصيدة جزلة من جزل بيض الله وجهك بالذيب ولاعدمناك

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح لسانك مليون على القصيده

والله يـعـطـيـك الـعـافيـــــــــــة

بيض الله وجهك



تحياااااااااااتي

الأخ سلطان السليمي

بيض الله وجهك وصح الله لسانك

نتمنى لك التوفيق في دراستك ونستمتع لقصائدك

تقبل اجمل التحايا

ودمت بخير

صح السانك يالغالي



وبيض الله وجهك



تحيتي ..........وودي لك

صح لساااانك والله على القصيدة الجزلة


التي تجلت بمعاني لايجيدها غير إهل الشعر الحقيقي


الله لايهينك أخوي سلطان وكلمة مبدع قليلة بحقك يالغالي

ونتمنى لك التوفيق بالحياة العلمية والعملية والنجاح المستمر

صح لسانك



دائماً جزل يالنشمي


تقبل تحياتي

صح لسانك وانا اخوك على هلقصيدة الأكثر من رائعة

ابيات في غاية الروعه