بن هديبان + راعي الحناكيه

ياسلام الله على الي يظدون الخصام=ابتدينا الليل والنار من شبابها
وينكم ياهل الوفاء وينكم ياهل المقام=فيه سيف اوخيل والنار من شبابها
مرحبا ترحيبتأ حدها حد الحسام=في يدا الحلحيل والنار من شبابها
ماتغيبنا وناظر جنوب ولذ شام=ولا نقصنا الكيل والنار من شبابها
كان ودك بالتحدي عيونك لاتنام=ابد مثل اسهيل والنار من شبابها
روح ياشعبان حنا نبى شهر الصيام= اسمع التهليل والنار من شبابها
خلها مابيننا مانبا شد الحزام=لا يجيك السيل والنار من شبابها
سنة الاسلام ماهو بهرجأ او كلام=والعرب تكميل والنار من شبابها
لوتشده ياعميلي يجي برد اوسلام=لاتشد الحيل والنار من شبابها
منته ابشيخ القبيله ولاانته بالاامام=يا نبيل اشعيل والنار من شبابها
كان بن هدبان ينصى الشحم دون العظام=ماتبي تعديل والنار من شبابها
مالحقت الاوله كيف تلحق للسنام=يازابن غليل والنار من شبابها
دام هاذا منهجك منت الابسلك وسام=طحت تحت الفيل والنار من شبابها
قالو ان الظرب والسب فالميت حرام=ياطويل الذيل والنار من شبابها
ياوسيع المعرفه بيننا قدر ومقام=والعمر تمهيل والنار من شبابها
مالحقت الطيبه قمت تلحس بللادام=خل عنك القيل والنار من شبابها
انت مدري نسل زهران والانسل يام=يعجز التحليل والنار من شبابها
عيننا للمرجله وانت عينك للطعام=يشبعك زنبيل والنار من شبابها
انت شرحبيل واذكر على خشمك عرام=روح ازرائيل والنار من شبابها
المراجل للرجال وانت مثلك مايلام=ويلكم ياويل والنار من شبابها
فيك ريش امن الحباري وريش امن الحمام=حط والاشيل والنار من شبابها
المراجل عندنا وانت من تحت النظام= غص طس ابريل والنار من شبابها
انت مثل ابليس عمرك تعدا الف عام=روح الـف ميـل والنـار مـن شبابـهـا
ناقصلك خرم ويزيـن تركيـب الزمـام=ياعديـم الحيـل والنـار مــن شبابـهـا
انت مثل الفاطر الي تجـود بالخطـام=شافـك الدربيـل والنـار مـن شبابـهـا
انت خرمك جاهز ولاتبي غير اللحام=امس كنت احليل والنار من شبابهـا
مــن يــدل الطيـبـه مايـلـحـق لـلـحـرام=ماتـبـي دلـيـل والـنــار مـــن شبـابـهـا
شفت وضحا لابسه برقعأ وسط الخيام=ماتـبـي تجمـيـل والـنـار مــن شبابـهـا

الله يعطيك العافيه يالغالي

صحت السنتكم وبيض الله وجيهكم

الله ....... الله

محاورة راااااااائعة و قوية

صح لسان الشاعرين : بن هديبان و راعي الحناكة

صحت السنكم شعارنا الاكارم

بن هديبان + راعي الحناكيه

,
,
,
شكرا لكم

لله يعطيكم العافيه ومشكورين علا التعليق
مروركم شرف

صح الله السنتكم على المحاوره الرائعه
لا عدمناكم
فلكم جزيل الشكر والتقدير والعرفان

الله يـعـطـيـكم الـعـافيـــــــــــة على المرور
بيض الله وجيهكم

الله يعطيك العافيه

يعطيك العافية
وصح لسان الشاعرين