راشد.و. حبيب(كم باقي عن طلوع الشعره اللي بالعجينه)

مرحبا ترحيبت الاسلام في بيت المدينه=الذي شيد على أرض العاصمه للي يزوره
يا بلادي دام عزك في رخا وأمن وسكينه=في ذرى الله ثم ذرى حكم الملوك اخوان نوره
البقا ووجودكم ووجودنا فرصه ثمينه=فالمحل اللى منور ليلنا من زود نوره
يابلادي دام عزك في ذرا اليمنى الأمينه=البلاد اللي بشرع الله على العز امعموره
دايم المسلم معه غيره على عرضه ودينه =والمخالف كل مايبحث عنه تشويه صوره
وأنت يا راشد مسافر فالبحر فوق السفينه=والمسافر فأخر الرحله يعبر عن شعوره
واحد ما هو غيور لدينه الله لا يعينه =ليش نغلط والشريعه واضحه والأمر شوره
السفينه مابها الا الكبتن اللي بالكبينه=جايز أنا ناصله ونكلمه عند الضروره
الخطا وارد لكن أمن القريب أكبر غبينه=مير مال الشر طب الا اجتثاثه من جذوره
خلها بيني وبينك والخطر بينك وبينه=سور واقي يحمي المخطور من شر الخطوره
ياحبيب يمكن الواحد يشكك في قرينه =والصحيح الشمس كوكب ثابته والأرض كوره
من يقول انه ليا مرض الجمل يكوى سنينه =يلتمس له عذر مير النفس ماهي بمعذوره
الرجال أرجال ثم جبال وحصون حصينه=والزمن ياكثر فضله والدهر ياكثر جوره
علمو راشد يوضح دوره الله لا يهينه =الشجيع اللي يحسم المعركه والدور دوره
كم باقي عن طلوع الشعره اللي بالعجينه=شعرةٍ لو خمها واحد غلط نشبت بزوره
دورنا دور الولا والصدق في وقته وحينه=ماتقوله في غياب الرجل قوله في حضوره

محاوره جميله بين علمين من اعلام الشعر
تسلم يمينك اخي فارس عوف على هذه المحاوره
دمت مبدعا

الله يعطيك العافيه


يافارس عوف

محاوره جزله

مشكور على النقل

و صح لسان الشاعرين