بيت و صدى

اخواني و اخواتي في هذا المنتدى المحترم
احب اسمعكم موضوعين قد شاركت بها في
جريدة الرياض صفحة خزامى (بيت و صدى)
مجاراة لبيت الاسبوع :

بيت و صدى
◊ البيت للشاعر الكبير خلف بن هذال العتيبي
اكحـل عــدوِّك لين تعمــى عيونـــــه
البس لـه أغلى اللبس لو كنت جايــع

المجــاراة :
كـلام بن هـذال لا ترخصونـه
شاعر وطنـا دايـم القول رايـع
آمـن عـدوك بعـد ما يـدفـنونـه
من تحت لحدن فوقه الطين مايع
لا تامنـه لو نـاس جو يمدحونه
لو قيل يصنع من جميل الصنايع
لا ينظـرك في هـم ولّا مهونـه
لو كان لاغلى شي من الدار بايع

بيت وصدى
◊البيت للشاعر فهد بن عقيل الطويان من بريدة عن الفزعة :
لا صـار لك عنـد الرديين حاجـه
خـلـه و رب البيـت يغـنـيك عنهــا

المجـــاراة :
ياللي بتنصى اللاش هـذي سماجـه
والنفس عـن مـن لا يقـدرك صُنهــا
يـا للـه لا تجـبــر كـريـمٍ لـحــاجــه
عسـاه يــم النــذل مـا سـال عنهــا
البخـل علّــه مـا وجـدنــا علاجــه
واهل الردى حـاول تفارق ضعنهـا

صحت السنتكم
والله يـعـطـيـكم الـعـافيـــــــــــة
بيض الله وجيهكم

صح السانك ارى انك ابدعت القاف واجزلت المعنى واعطيتنا دروس مفيدة
بدون قصور في الشاعرين لهما الاحترام والتقدير
نظرتك للموضوع اعمق واشمل وفي الثانية ارقى واجمل
في الاولى اللبس يمثل الظاهر
وانت تطرقت لمكر العدو وخديعته وهذه اشياء تكون خفية
تحتاج للفطنة والحزم والذكاء
وفي الثانية
تجنبت ذم الشخص والقيت اللوم على الصفة الذميمة البخل
كانك تمثلت بقول احد الانبياء عليهم السلام ( اني لعملكم من القالين )
ذم عملهم ولم يتطرق لهم كاشخاص

صح بدنك اخي المستشاحسين على الكليمات الراقيه
الذي احس بعدشوفهاوسماعه باسرورالغامرورفع
معنويت الشاعرونااقول لك جزيل الشكروالتقدير
والحترام

صحــت السنتكــم
دمتم برعاية الله وحفظة

صح بدنك اخي فهدولاهنت
شاكرومقدرمرورك المثري