تاكيد لمحب الفتن والاثاره

*اليا دعاني من هل الطيب رجال*

*اجيه لو عني بعيده دياره*

*ضاري على قطع المسافه بالاميال*

*ماني بضبن جرته حول غاره*

*يامرحبا ترحيبتن فال وعقال*

*فيها من البن اليماني حماره*

*ولذ من طلع النخل كل مامال*

*على الجريد اللي خطير انكساره*

*تعم كل اللي حضر قدر وجلال*

*ابدا بها من طيب راس ونعاره*

*عن شايبن للضيف والجار مدهال*

*يدل هتاش الخلا ضو ناره*

*اعقيل اللي له محبه ومنزال*

*غالي وعالي عند ربعه وقاره*

*العزوه اللي لعتزى كل خيال*

*فيهم على العدوان نوف وجساره*

*واليا رجعنا للقدايم والاطلال*

*لهم بواد الحمض مدرك وغاره*

*مهما بصبيان اليزد صغت الامثال*

*ابقى مقصر في صريح العباره*

*لهم معي ماقف يسجل للاجيال*

*ماقف وفاء ماهو هياط وعياره*

*الصدق نفتح به صعيبات الاقفال*

*ونبني على حسن النوايا اجداره*

*والكذب سلعة كل فاشل ومحتال*

*مافيه مر وماب دمه حراره*

*ياسامع اسمع قول شاعر اليا قال*

*الصدق في دنياه دايم اشعاره*

*الحر مشرافه على المرقب العال*

*يبعد عن الدار الوبيه مطاره*

*والبوم وشباهه من اطيور ورجال*

*عن الشواهق بالوطا والجحاره*

*بالقول ماخصيت عاذل وعذال*

*تاكيد لمحب الفتن والاثاره*

*ياضامن الدنيا ترى الوقت ميال*

*بعد الحلا لابد كاس المراره*

*ماحي فيها مقيم ياساتر الحال*

*يالله سترك يوم كشف الستاره*

ياسامع اسمع قول شاعرٍ لياقال
الصدق في دنياه دايم شعاره

هانحن نقول سمعنا قولك ياشاعرنا المخضرم
سعد المحمدي
مليارات واكثر صح لسانك /

تحياتي لمقام سموكم الكريم :

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك وبيض الله وجهك

شاعرنا القدير

السلام عليكم
صحت ابدانكم الجميع

السلام عليكم ورحمة الله وبركاته
سلمت ودمت أخوي الشاعر سعد المحمدي على القصيدة .
.
.
جزله ورائعه وصح لسانك
أخوك ابوساره

صح الله لسانك
ولاهنت
وسلم فكرك وبنانك
دمت برعاية الله وحفظة