راس مايعز متنه لو كسيته عمامه

15-12-16, 05:29 PM

هن ياللي كلامك خبث مدري غشامه
نوب في جلد ضب ونوب في جلد حيه
منت ميزان عدل ومنت صاحب فخامه
ياكبير الشدوق وياقليل الحميه
خذ كلامن عليه اعطيك مية علامه
ان حفظته مثل حفظ الوصي للوصيه
راس مايعز متنه لو كسيته عمامه
مثل من حط فوق الثور سرج العبيه
مايفيدك بيومن مثل يوم الرغامه
لاعتزى في جدوده حامل البندقيه
بين سيف الكويت وبين ساحل تهامه
ماجهلت الحرار وماجهلت الحديه
الفعايل تخلد لين يوم القيامه
والمهايط بدون فعول ذنب وزريه
وجد حالي على اللي ماتراقل عظامه
بين حدب السيوف وسلة النافعيه
في نهار الله الله يلتفت في حزامه
مايهاب الجموع ومايهاب المنيه
الرجل مايقلل هيبته واحترامه
غير طمس الحقايق والعلوم الرديه

15-12-16, 05:41 PM

يسلام يسلام
غير طمس الحقائق والعلوم الرديه
صح لسانك ويسلم فكرك وبنانك
الله لا يحرمنا ابداعك
تحياتي

15-12-16, 06:54 PM


	المشاركة الأصلية كتبت بواسطة طلق المحيا


	يسلام يسلام غير طمس الحقائق والعلوم الرديه صح لسانك ويسلم فكرك وبنانك الله لا يحرمنا ابداعك تحياتي

صح بدنك وشهاده اعتز فيها
تحباتي وتقديري

16-12-16, 03:05 AM

راس مايعز متنه لو كسيته عمامه
مثل من حط فوق الثور سرج العبيه
صح لساااااااااااانك يابوتركي

16-12-16, 04:45 AM


	المشاركة الأصلية كتبت بواسطة ابوهليل


	راس مايعز متنه لو كسيته عمامه مثل من حط فوق الثور سرج العبيه صح لساااااااااااانك يابوتركي

صح بدنك يابو هليل
وبيض الله وجهك

16-12-16, 05:00 AM

الفعايل تخلد ليـــــــن يــوم القيامه
والمهايط بدون فعول ذنب وزريه

الا مسخرة وحقران
بيت خالد ونص شامك
لاغرابة
صح الله السانك لاهنت
مستشارنا
بيت شعر واحد يكفي عن كتاب وقصيدة تكفي عن مجلد
قليلة هي القصايد اللتي تعطي دروس بالحياة
يستفيد منها المتلقي على مر الازمان
وهذه من تلك العينة اللي يجب حفظها عن ظهر قلب
لمافيها من الدروس العظيمة.

16-12-16, 11:45 AM


	المشاركة الأصلية كتبت بواسطة الكحيلة


	الفعايل تخلد ليـــــــن يــوم القيامه والمهايط بدون فعول ذنب وزريه الا مسخرة وحقران بيت خالد ونص شامك لاغرابة صح الله السانك لاهنت مستشارنا بيت شعر واحد يكفي عن كتاب وقصيدة تكفي عن مجلد قليلة هي القصايد اللتي تعطي دروس بالحياة يستفيد منها المتلقي على مر الازمان وهذه من تلك العينة اللي يجب حفظها عن ظهر قلب لمافيها من الدروس العظيمة.