ماكل سالم بالقى سالم الزير

سلام ياراس الهرم بالكتيبه

يالقايد اللي لك مكانه وتقدير

من روس قحطان الوفا والعريبه

حماية التالي رجالن مشاهير

روس العرب واهل الفعول الصعيبه

ياما ثنو بالكون دون المعاشير

اللي يحوش الطيبه من نصيبه

يلقى لها عند المشاكيل تاثير

بيتن سبقني فيه شاعر عتيبه

قدام مية عام صاغ التعابير

فاصل ونبدا والرجال البيبه

تفهم كلامي يافتى دون تفسير

ماكل من يرمي يصيب الضريبه

وماكل سالم بالقى سالم الزير

اللي بهم يامعرب الجد ريبه

علومهم فيها مكيده وتزوير

العلم لو مقدار حبة زبيبه

حطوه ياخالد كبر قمة النير

صحيح من ودا كلامن يجيبه

مقباس شر ومايبي للبشر خير

عايش حياته بين نمه وغيبه

كذاب ولسانه سوات المناشير

تم الكلام وكل رجلن وطيبه

والحر مايلد النظر بالعصافير

قصيده وافيه من رجالن وافي
صح لسانك يابوتركي ع هذه القصيده الجزله
والتي تحوي الكثير من المعاني

صح الله السانك يالجزل

نص جزل من شاعر جزل

بيض الله وجهك

الله يحفضك يابوتركي


انحفض الشعر بوجودك

صح لساااااااااانك ملايين وبيض الله وجهك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله ابدانكم
الجميع كلن باسمه
مروركم شرف لي