قصيدة البر

يامحلا السجه عقب غيث الامزان=غيث المزون اللي سقى الارض نوه
في خايعٍ عشبه من الغيث ريان=زهره جميل وفايح العطر توه
مادوجوه اهل المقاني هل لاضان=ولا من العربان ساير مشوه
برن برير ينعش القلب لازان=وجدي على هبوب نسمات جوه
يزين ليله لابداء نجمه وبان=ويازين صبحه لابداء الصبح ضوه
نقطع سمار الليل مع شعر الاوزان=مع هاجسٍ بطيب دايم مفوه
في مجلسٍ مافيه ضايق وزعلان=فلة حجاج اللي من الهم سوه
على دلال الكيف من صنع رسلان=كيف الرجال اللي تعز الحموه
ونسج وقت عصيرمابين ظلعان=ونرقى على رجم سماء في علوه
في مرقبه ينزاح همي ولاحزان=وعيش لحظات العمر في صفوه
نشرف على رياضٍ وسيعه ووديان=وديان فيها الشيح عالي نموه
مع خوت ارجالٍ لها المجد عنوان=قومٍ لها في سجت الطيب خوه
خوة مطاليقٍ على العز فرسان=ورثة جدودا ماخذوها جبوة
ربعا تروم العز في كل ميدان=فيها الشهامه والكرم والمروه
هذي ربيع العمر فيكل الحيان=هذا هوى فكري وهذا سموه

ايوالله يامحلاااااااااها
ابداااااااع بالوصف في أبيات راااااااائعه ،،،،، صــــــــــح لساااااااااااانك وسلمت

صح لسانك وبيض الله وجهك

تسلم اخوي محماس على مرورك العطر
تحياتي وتقديري

وجهك الأبيض اخوي بخيت وشكرا على مرورك الكريم
تحياتي وتقديري

صح لسااااااانك ابو فارس ربي يحفظك



قصيدة جزله من راس جزل

الله قوافي تدغدغ المشاعر وتهيج الوجدان صح لسانك لاهنت

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك