مرثيّة .... لناصر بن مصلح الاحمدي ..........

بسم الله الرحمن الرحيم

مقطع يوتيوب للقصيده :

البارحه ليلي من النوم ماطاب =والحزن في صدري تزايد لهيبه
كنّي كسيرٍ بالفيافي ومنصاب =يمشي ورجله من عطبها تعيبه
يسري و ليله بالهواجيس مرتاب= وزادت عليه هموم بقعاء نحيبه
وكنّي كما ذيبٍ على راس مرقاب= يقنب ومامن يستجيب لقنيبه
ودمعي كما وبلٍ من المزن سكّاب =على فراق الغاليه والحبيبه
وقلبي على فرقا العزيزين منصاب = وفرقاك ياعمّه بقلبي مصيبه
جرح الفراق بداخل القلب ما طاب=واحتار حتّى في علاجه طبيبه
في كل عيد تجمع أحباب واقراب =تلقى البناخي وابن عم ونسيبه
ترحيبها يجلي عن الخاطر أتعاب=وكفٍ نديه كل خيرٍ تجيبه
في طاعة الله عاشت العمر بحساب = تسعين عامٍ عاشت بكل طيبه
والعمر ساعه والمقدّر له اسباب= ولوتختلف بالموت كلاً تصيبه
حكم القدر مكتوب في لوح وكتاب=من عند رب الكون مافيه ريبه
نصبر على حكم القدر كيف ماجاب=وكل البشر لابد يأخذ نصيبه
يالله ياللي دعوتك مالها حجاب =يارب تجعل دعوتي مستجيبه
تبني لها من رحمتك يوم الحساب=في عالي الفردوس دارٍ رحيبه

( ناصربن مصلح الاحمدي )

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك وكلك ووجهك ابيض

وربي يعافيك ان شاء الله

شكرا لك ولمرورك الكريم

صح السانك وبيض الله وجهك
قصيدة رائعة

	المشاركة الأصلية كتبت بواسطة نديم المجرة

	صح السانك وبيض الله وجهك قصيدة رائعة

صح بدنك وكلك

ووجهك ابيض اخي الكريم

شكرا لك ولمرورك العطر

صح الله لسانك
ولاهنت
وسلم فكرك وبنانك
دمت برعاية الله وحفظة

لاهنت وصح السانك

تقبل التقدير والاحترام

وفقك الله