قصتي لا .. لاح بارق :؛:؛:؛:؛:؛:؛:؛: غزلية :؛:؛:؛:؛؛

... السلام عليكم ...

... قصيدة غزلية بعنوان ...

*-(قصتي لا .. لاح بارق )-*

للشاعر /فواز بن محسن الزويهري الحربي

🌿🌿🌿🍃🍃🍃🌿🌿🌿

بارقن برقه يمن لا لاح راح القلب له
أمشي بصوبه وهو مقفي وانا امشي وراه

اتبع المقفي وانا عارف متابعتي دله
لا تلوموني .. بعد شافت عيوني من بهاه

طول جيده فيه أثمار الحلا .. حلو الوَلَه
كبر رمان الهدا فوقه كرز تاجٍ قناه

وتوت بري حلو طعمه راعي الذوق أخبله
كل ماذاقه يسيل الشهد من حبٍ حواه

حوله الورد الحمر .. عاطر بعطر يجمله
يمشي بسيف الشموخ اللي فصل قمة غِنَاه

وبه عيون الريم وجناح الفراش يضلله
كل مالدت في صُم الصخر ينبت بالحياه

أهيفٍ ..ضامر تظنه جاع والجوع اهزله
مير زال الظن من آخره ومن ناضر عِلاه

ممتلي مالي .. ومال إليا مشا ما تجهله
يشغل اللي في محيطه من لعوبٍ في خطاه

يخلف حروف الغنج ياكم حرفٍ يهمله
وكم وكم من حرف رق ليا تخرَّج من شفاه

وأفصح لسان العرب إليا الِمكَلِم° ازعله
كل حجه في حديثه..وأقوى حجه هي سناه

يبهِرَك°..لاجيت قدمه تذكر اللي كمله
سَبِح وهلل وكبر من وصوفه .. من حَلاَه

لا دعوه فمحفلٍ لزين ... أصبح محفله
يحرج الزينات دايم ... مشكلتهم في لقاه

عاقل وفاهم... ودارس مخرجه من مدخله
والحسب وأعلا النسب فالجد والخال احتماه

لا تلوموني .. في برقه يوم ادوِّر منهَلَه
مثل ضامي ... مد حبله وانقطع حبله بماه

وانتظر برقا الحيا ...حتى هَمَل واستقبله
قصتي لا ..لا ح بارق .. وانقلوها يالرواه

🍃🍃🌿🍃🌿🍃🌿🌿🍃

ابداع من اهله

صح السانك لاهنت
شاعرنا القدير

	المشاركة الأصلية كتبت بواسطة الكحيلة

	ابداع من اهله صح السانك لاهنت شاعرنا القدير

شاعرتنا الكحيلة
صح بدنك

صح لسانك ملايين وسلمت كلك

	المشاركة الأصلية كتبت بواسطة ناصر بن مصلح الاحمدي

	صح لسانك ملايين وسلمت كلك

صح بدنك وسلم غاليك والله يبارك فيك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك وسلم غاليك والله يبارك فيك