ملاك الكون.....نايف بن مياس

يافايز الظاهر ماني بالحيل
والحال عيانه وتعبانه
على التي صادفتها بالليل
صحيح بنت الناس فتانه
من عند لوحة زيد للتقببل
من بيت ابوه لبيت عمانه
راح ايتمايل مثل غصن الريل
يوم الهبوب اتحرك اغصانه
والثوب بردوفه يشيله شيل
لاهي نحيف وغير مليانه
والعين مكحوله بلا تكحيل
من خلقة ألمعبود سبحانه
والرمش ضلل فوقها تضليل
اقل وصف عيون شيهانه
والبطن ضامر مثل بطن الخيل
ظمر ولو ماهي بجوعانه
واللي جرح قلبي وزاده ويل
خدوده اللي تقل رمانه
ماجملوها فرقة التجميل
مادورت رقمه وعنوانه
ماغير افكر بالجدي وسهيل
استغفر الله كنها اخوانه
ماعاد عندي حل ياحلحيل
غير اشتري من زيد دكانه
يمكن يمر ويشتري تسجيل
واصير دون الناس ديانه
تمثيل لو مانحسن التمثيل
الحال قبل المال من شانه
ملكت قلبي ياملاك الجيل
طيرن رمى الصياد جنحانه
وان قفلوا باب الرجاء تقفيل
على الذي ماصك بيبانه
الم ترى وش صار باهل الفيل
في محكم التنزيل برهانه
وختامها يالله جعل السيل
مايفقدون الحي ودانه
يصير كنه في ضفاف النيل
نبت الطبيعه مثل سكانه

نايف بن مياس الفريدي

المسند له هو فايز الظاهر العلوي

يامياس حاول تغنيها على شان تركبها على بحرها ونا خوك

	المشاركة الأصلية كتبت بواسطة صلاح الحيسوني

	يامياس حاول تغنيها على شان تركبها على بحرها ونا خوك

تعدينا هالمرحله وانا اخوكا
ان كان توك ع صدرك تهجاها حنا ترانا ندرس في مناهجها


يالغالي ان عيبوا وزنها الشعار اللي عليهم العلم حرمت الشعر الشاعر مايحتاج يغنيها الله يغنينا نقدك والمفروض الغير ملم بالشعر مايتخل فيما لايعنيه ويضع فيه ماليس فيه

تسجيل تواجد في منبر الجزاله
صح لساانكـ
بيض الله وجهك

صح السانك الله يعافيك

صح السانك لاهنت
ولاهان منطوقك

نص راقي لاشك

صح لسانك يانايف الفريدي

قصيده رايعه بيض الله وجهك

الحب الباقي
الكحيله
ابو هليل

صح الله ابدانكم

مشكور والعذر والسموحه يمكن يكون الخطاء قراءه عندي

صح لسانك قصيده رايعه بيض الله وجهك