يا فهيمين الكلام ..

يـا فهيميـن الكـلام الّلـي غريـب اسلـوبـه = جابـه الّلـي فـي غـزيـر اليـمّ لـه مغراقـي

عـارف إنّـه يستثيـر الفـكـر فــي تقلـوبـه = مـا يجـي بالسّهـل للّـي يطـرق الأرماقـي

الـكـلام الّـلـي يـونّــس هـارجــه بـجـذوبـه = مـن عميقـات المجـاذب مــا بــه تلفّـاقـي

مثـل رشّـات المطـر بالفيضـه المعشوبـه = من بدايـة وسمهـا مـا شافـت المشراقـي

غير من بين السّحـاب سـروق ضـوحٍ دوبـه = من شعاع الشّمس له بين المزن مزراقـي

ليـن زملـوق النّبـات مــع الـهـواء بلعـوبـه = يطـرب الّلـي غايـتـه بمـلاعـب الزّمـلاقـي

ينوصـف فيـه الكـلام الّلـي نـقـيّ عـذوبـه = مطلـب الّلـي ينتظـر مـا صـاده التّفّـاقـي

بالمواجـز ينـطـق لسـانـه بـجـزل رحـوبـه = مـا تغثّـك هرجـتـه فــي كـثـرة النّقنـاقـي

البَـرَد والثّلـج خمـس حـروف قبـل ذيوبـه = وبَعَد ذوبه بسّ حرفيـن بمسمّـى السّاقـي

والأوادم كـلّ واحــد عــاش فــي تجـروبـه = فيهم الّلي مستريح وفيهـم الّلـي شاقـي

وفيهـم الّلـي بينـهـم متصـاعـدٍ سلهـوبـه = شايف إنّ السّلهبه تنسف على الأشناقي

وفيهم الّلي طول وقته مشغـلٍ واتسوبـه = أو بمـا سمّـوه بعـض النّـاس بالهاشتاقـي

أشهـد إنّـي بيـن نـاسـي ذاهــل ومتبـوبـه = بسّ مـا هـي ساعـةٍ تنشـف بهـا الأرياقـي

المـهـمّ الـنّـار مـــن توقـيـدهـا مشـبـوبـه = والــدّلال محضّـبـاتٍ والحـظـور شفـاقـي

بعـد مـا جـاء كــلّ واحــد متـعـبٍ منجـوبـه = مع طلوع الفجـر أو مـع غيبـة الأشفاقـي

فـي كثـر تلويـب نجـد ومجحفـات دروبــه = واحتساب الّلي مضى من نجد والّلي باقي

ضمـن مـا بالكـون ممّـا تحتسـيـه شعـوبـه = للتّـعـارف بالـحـيـاة وبالـمـمـات فـراقــي

افـتـراق الـفـرد حــدر الّلبـنـه المـحـدوبـه = مــا لــه إلا رحـمـة الّـلـي للـنّـوى فـلّاقـي

كان سِلِمْ مـن النّفـاق ولا مشـى بسبوبـه = ولا ظلم شخـصٍ غريـر بساعـة التّعواقـي

ودايـمٍ يستـر علـى الّلـي يختفـي بعيـوبـه = ولا عـصـى ربّــه بــذرّه خشـيـة الإمـلاقـي

واحتسى في كـلّ مـا يمحـى ثقـال ذنوبـه = والأمانـه والعـهـد يـوفـي بـهـا الميثـاقـي

ويطلـب الله كلّـمـا صـلّـى قـبـول التّـوبـه = مستغيـثٍ فـيـك يالّـلـي كـافـلْ الأرزاقــي

والـسّــلام خـتــام آخـــر كـلـمـةٍ مكـتـوبـه = بعـد منطـوق الّلـسـان وفـكـري التّـوّاقـي

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح الله لسانك يا القرم والله يـعـطـيـك الـعـافيـــــــــــة بيض الله وجهك

صح بدنك يابن العم ع الاشاده الجزله من الجزل بارك الله فيك

[table1="width:70%;background-color:black;border:10px ridge white;"]

[QUOTE=اصايل حرب;1404630][align=center][table1="width:70%;background-color:black;border:10px ridge white;"][cell="filter:;"]

صح لسانك شاعرنا القدير اللحالي الغيداني

[align=center]
اصايل حرب :::صح بدنك يابنت اخوي الله يعطيك

العافيه مشكوره ألف ع الاشاده الجزله من الجزله تحياتي ودااااام أب

صح لسانك ياللحالي

والحمد لله الزول طلع له ولد عم هههههه

دمت بود

	المشاركة الأصلية كتبت بواسطة سعد السمين

	صح لسانك ياللحالي والحمد لله الزول طلع له ولد عم هههههه دمت بود

صح بدنك ياولد اخوي

(بس الاقيك يازول)

؟هنا وهناك بس الاقيك

صح لسانك
وعتلا شانك

	المشاركة الأصلية كتبت بواسطة نديم المجرة

	صح لسانك وعتلا شانك

صح بدنك ياولد العم تسلم على المرور والاشاده

نص رائع لاشك

صح السانك لاهنت
ولاهان منطوقك