اللي على الجزلات يوافق لمذهبك

أحد الاصدقاء الاعزاء شاعر مبدع بنظري ارسل لي ابيات واحببت ان اجاريه لان الابيات راقت لي فأتمني ان تروق ابياته وابياتي لكم....


ابيات صاحبي

لا صرت ضايق والدموع محبوسه
ارفع يدينك لواحد(ن) ما يخيبك

ووجهن تملك شوفته من عبوسه
ابعد عنه بعد السماء لا يقربك

دام العرى عند الاله مغروسه
رزقك يجيك ورزق غيرك يجنبك

وان كان حالك من الزمان معفوسه
ما طاح من راسك يحول لشاربك

وكانت مجاراتي هذه الابيات

بعض المعاني بالضمير محسوسه
ولا زلت يا رأسي من الوقت عاصبك

والارض خضرا والدروب معسوسه
وأحدن يدل الدرب وأحدن على الدبك

والضرس لا منه بدأ فيه سوسه
أعرف ترا رأسك من الضرس صالبك

والوقت لا منه قطع فيك موسه
أطلب من الله لا يخيب مطالبك

ودنياك لا صارت عليك محيوسه
أصبر على الشدات وأشكي لصاحبك

رجل(ن) يشيل الحمل مثلك يقوسه
يفداه منهو دايم الدوم شاذبك

رجل(ن) يوافق مع هجوسك هجوسه
اللي على الجزلات وافق لمذهبك

صحت السنتكم
والله يـعـطـيـكم الـعـافيـــــــــــة
بيض الله وجيهكم

	المشاركة الأصلية كتبت بواسطة الحب الباقي

	صحت السنتكم والله يـعـطـيـكم الـعـافيـــــــــــة بيض الله وجيهكم

الحب الباقي

صح بدنك
ووجهك ابيض
وكل التقدير والاحترام لكريم المرور
دمت بخير

شاعرنا القدير نادر النادر

صحت السنتكم
والله يـعـطـيـكم الـعـافيـــــــــــة
بيض الله وجيهكم

	المشاركة الأصلية كتبت بواسطة بخيتان البشري

	شاعرنا القدير نادر النادر صحت السنتكم والله يـعـطـيـكم الـعـافيـــــــــــة بيض الله وجيهكم

الاخ/ بخيتان البشري
صح بدنك
ووجهك ابيض
وكل التقدير والاحترام
لكريم مرورك ونبيل شعورك

ياسلام على الإبداع صح لسانك ولسانه لله دركم

	المشاركة الأصلية كتبت بواسطة صلاح الحيسوني

	ياسلام على الإبداع صح لسانك ولسانه لله دركم

صلاح الحيسوني

صح بدنك
مع خالص الشكر والتقدير
لكريم المرور ونبيل الشعور

صحــت السنتكــم
دمتم برعاية الله وحفظة