الشاعر \ فيصل الرياحي … شاعر نظم وشاعر محاورة من الدرجه الاولى … شاعر يهابه خصمه في ميادين المحاوره .. شاعر مبدع ومتميز … يحاوره في هذه المحاوره الشعريه زميله الشاعر \ محمد المسعودي …. وهو ايضا شاعر محاوره من الدرجه الاولى .. شاعر متمكن .. وشاعر فذ .. شاعر جزل المعاني ..
يامرحبا والحفـل حظـه يباريـه=واللي يجيـب الطيبـه يشتريهـا
ان كان فيصل يعطي الحق راعيه=الكلمـه اللـي قالهـا مانسيـهـا
دام البقاء للحفل واللي حضر فيـه=والطيبـه مايدخـل الشـك فيهـا
بيني وبينك علـم مانـي بناسيـه=حجة شرع ماني بخايـف عليهـا
الفرض حان وطالب الله يصليـه=النـاس للخـلاق ترفـع يديهـا
مانته مسوي شي ما الله مسويـه=ياقرب راس ام الرسن من يديهـا
اللي غدا له صقر باسمه يناديـه=حي الصقور وحي مـن يغتذيهـا
بيني وبين هذيل بعض المشاريـه=وام الرسـن ركابهـا يحتميـهـا
راع الغرض يسرح ويتعب ويمديه=وليا وصـل ميعادهـا يحتريهـا
العذر من مثلك على صدق يكفيـه=لكـن قفـت والدهـر مقتفيـهـا
خل المسافر يطلـب الله ويعطيـه=والعزوه اللـي تعجبـه يعتزيهـا
والله لاعوضك في كـلام تغنيـه=واهديلـك اول منـوة تمنتنيـهـا
بيني وبينك حق من عند قاضيـه=واللي نطق لـه كلمـة يحتميهـا