(ليـه المراسـل فالصّراعـات مطلـوب).مساجله صقرالمراقيب و فواز ازويهري

/
/
/
/
/
/
/
/
/
/
/
/
/
/
/
/
/

بدع الشاعر/ خالد بن عبيد الاحمدي=
ليـه المراسـل فالصّراعـات مطلـوب=ويدفع ثمن نقـل الخبـر مـن حياتـه
ان كان ماهو لحد الاطـراف محسـوب=شعـب ٍ يـزوره ليـه يطعـن بذاتـه
وخذلك دليل بمنطق الحـق لـه نـوب=في شعب راقـي والكـرم فـي صفاتـه
اجـواد كاظـم بالبلاجـيـك مغـلـوب=سبحـان مـن نجّـاه لحظـة وفـاتـه
والشّعب لوهو بين ضاحـك ومكـروب=فطـوار بهجـه ماتـسـرّك سـواتـه
واصبح ولا امسى فندق القدس مضروب=وطارق ومثلـه ماانكتـب لـه نجاتـه
ومن ارض واشنّطن صدر علم مكتـوب=كـل ٍ درابـه بـعـد بـثّـت قنـاتـه
تيسيـر علّونـي ذكـر فيـه عـذروب=بالقاعـده متـهـوم معـلـن بـراتـه
وقد قيـل فالاعـلام راعيـه موهـوب=مهنـه شريفـه سعـد رجّـال جـاتـه
وبنّشدك لنّك شخص واعـي ومحبـوب=رايـك صويـب ولاتحـبّ الشّمـاتـه
انته توافق راعي القـول مـن صـوب=سلبـي وايجابـي ماتـزكّـي نقـاتـه
ولاّ تقـول القـول معـنـاه مقـلـوب=لنّه حرفّ فـي شعـب الامّـه عداتـه
ذا فكر غربي صـار لشّـرق مجلـوب=واللـي يـروّج لـه يــدوّر غنـاتـه
أو هو تجسّس يخلـط الحـقّ بكـذوب=بيـن الشّعـوب بخبـث يـزرع نباتـه
ومن سبّته راحـة عريكـه ومعصـوب=اشعـوب تامـن ليلهـا فـي سبـاتـه
وان فادنا مثلك عن الشّيـن محجـوب=نعتـزّ بـالـرّاي السّـديـد ودهـاتـه
ردّ الشاعر/ فوّاز بن محسن الزويهري=
لجل المراسل بين سالـب ومسلـوب=ومن طاح في وسط الرّحا وآشقاتـه
واللي زرع حبّه على غير مشـروب=معقول عنّد النّاس يلقـى سقاتـه؟!
ونقّالة الأخبـار حاطـب ومحطـوب=كل ٍ على قـدر الخطـر لـه فتاتـه
كل ٍ على مذهب وله فكـر واسلـوب=واجـواد لشّيعه مزيـّن صـلاتـه
إعلامنـا مسيـّس وبالقيـد مصلـوب=والبيـت الأبيـض يرتعيـه بعصاتـه
وإن شاف عود اثقاب من ناس مشبوب=قرّب لـه البـارود وارسـل جناتـه
ثم أعلنـو بركـان فالكـون ملهـوب=تضخيـم للفتـنـه وبــثّ بـأداتـه
وتيسيـر وأمثالـه فتكتيـك ملعـوب=مثـل الفشـق لا بـثّ حبـه رداتـه
ماعـاد لـه لازم وماهـو بمرغـوب=ثـم اشغلونـا فـي قضيـة شتـاتـه
في وقت فيه الحال ناهـب ومنهـوب=وعراقنـا مـا عـاد يعـرف فراتـه
والشّام كله صار غاصب ومغصـوب=واللـي تكلـم سـاومـوه بسكـاتـه
والغرب شاطر يوم جانا لبـس ثـوب=وحطّ المكيـدة تنطـوي فـي عباتـه
صار العدا ما بيننـا شـرّ مسكـوب=وجانا بسلام وليـت نسلـم وصاتـه
الشرق الأوسط عندهم حالي الـذوب=الكـل واضـع مـن عسلنـا فلهاتـه
وعميلهـم إعـلام بالخـزي منكـوب=إعلامنـا مـثـل اليمـانـي بقـاتـه

الشاعرين
صقر المراقيب
فواز الزويهري
صح الله اسنتكم وبيض الله وجيهكم
مساجله جزله

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحــت السنتكــم
دمتم برعاية الله وحفظة

صحت السنتكم وبيض الله وجيهكم


لكم تقديري