1884لغز مزنجل كــ السجنجل محلول من قبل ابوفهد صح لسانه

السلام عليكم ورحمة الله وبركاته

اِليكم هذا اللغزالجديد وليد هذه اللحظات اَمل أن ينال اعجابكم

ياويش بنتٍ بين رجّال ومره =بنتٍ مقر البيْن هو مقرّها
يمرّها ورعٍ يمرْمر مرْمره =مندوبها اللي باللزوم يمرّها
ولْيا حصل للرجل شيٍّ يغمره =تشرب وشرْبها معه ما ضرّها
وان ماتت .. من معها خطيرٍ تدمره =حتى المره خطْرٍ تموت ابْـحرّها

صح لسانك يالعطاوي وبيض الله وجهك
جاري التفكير

صح بدنك ابوهليل ووجهك ابيض

جااااري الانتظار

صباح الخير يا العطاوي الي لا يقصر دونك ولا يتعداك
وصح لسانك وبيض الله وجهك على نظم الغز الي متعوب عليه
(تقدير واحترام)
ابوناجي

هلا وغلا صباح النور والسرور والبلابل والطيور

صح بدنك ابو ناجي ولاهنت ،، شاكر لك هذا الاطراء الجميل

تحيتي لك

صح لسانك يالعطاوي وشاكرين ومقدرين عطائك المتواصل فلله درك
جااااااااااااري التفكييييييييييير

صح لسانك العطاوي على اللغز الله يعطيك العافية
وجاري البحث

خليجي نت صح السانك وبيض الله وجهك على الغز الرائع,

على السريع نفتح الباب:

الرمعة الأولى:
الرجال الاديتر. والبنت طرنمبة الماء. والمرة المكينة:
------
الرمعة الثانية:
الرجال الكرتيل. وابنت طرنمبة الزيت. والمرة المكينة:

خليجي نت صح السانك وبيض الله وجهك على الغز الرائع,

على السريع نفتح الباب:

الرمعة الأولى:
الرجال الاديتر. والبنت طرنمبة الماء. والمرة المكينة :

- - - - - - - - - - - - - - - - - - - - - - - - - - - - - - - - - - - - -

(( طرنمبة الماء ))





- - - - - - - - - - - - - - - - - - - - - - - - - - - - - - - - - - - - - -
- - - - - - - - - - - - - - - - - - - - - - - - - - - - - - - - - - - - - -


ياويش بنتٍ بين رجّال ومره =بنتٍ مقر البيْن هو مقرّها
( طرنمبة الماء محلها بين الاديتر والمكينه )

يمرّها ورعٍ يمرْمر مرْمره =مندوبها اللي باللزوم يمرّها
( الماء من الاديتر يمر بأستمرار بواسطة الطرنمبه وبدورها تدفع الماء للمكينه ضمن دائرة التبريد)

ولْيا حصل للرجل شيٍّ يغمره =تشرب وشرْبها معه ما ضرّها
( الاديتر متصل بالطرمبه وكل ما فيه يصل للطرنمبه مباشره )

وان ماتت .. من معها خطيرٍ تدمره =حتى المره خطْرٍ تموت ابْـحرّها
( اذا توقفت الطرنمبه لاشك ترتفع حرارة المكينه وبالتالي لاتعمل المكينه )

صح لسان ابوفهد وبيض الله وجهه على الاجاابه الصحيحه
واشكر كل من شارك وحظاَ أوفر لمن لم يحالفه الحظ

تحيتي للجميع

صح السانك لاهنت
ونقول ربلة الغاز؟