1871لغز عن رجلٍ له أربع بنات(محلول من قبل ابوهليل صح لسانه)

اقدم لكم هذا اللغز الجديد اَمل ان ينال اعجابكم

أنا بنشدك عن رجلٍ له أربع بنات =أربعٍ كلّبوهن وسط جوفه سوا
حتى بالشكل والمضمون متشابهات=منها للضيف يِقدّم ممّا طاب وحوا
حجمهن من نفس النمونه متساويات =وانت الا ماذكرت ابوهن مالك لوا

صح لسانك ياخليجي نت وبيض الله وجهك
لغز رايع الله يعطيك العافيه
جاري التفكير

صح بدنك ، ووجهك يابوهليل

بالأنتظار

صح لسانك وبيض الله وجهك

ونفتح السوم

ونقول الرجل / البالوت والبنات / الشوكة / الكالة / الشرية/ واللال

ومما طاب له / حكم او صن

	المشاركة الأصلية كتبت بواسطة الشاكر أبو سامي

	صح لسانك وبيض الله وجهك ونفتح السوم ونقول الرجل / البالوت والبنات / الشوكة / الكالة / الشرية/ واللال ومما طاب له / حكم او صن

صح بدنك يالشاكر ابوسامي ،، ووجهك أبيض

سومةٍ طيبه من وجهٍ طيب لكن مااالك لوا

الاخ العزيز. خليجي نت . أسعدك الله في الدنيا والآخرة.
وصح السانك على الغز الطيب وطيبه من طيب راعيه:

وش رايك بهالرمعات:

1- البنات روس عرقات الغرب . يوم وقت السواني:
2- البنات الاشارات الاربع. وبوهن تقاطع الشارع:

	المشاركة الأصلية كتبت بواسطة ابوفهد الحربي

	الاخ العزيز. خليجي نت . أسعدك الله في الدنيا والآخرة. وصح السانك على الغز الطيب وطيبه من طيب راعيه: وش رايك بهالرمعات: 1- البنات روس عرقات الغرب . يوم وقت السواني: 2- البنات الاشارات الاربع. وبوهن تقاطع الشارع:

جزاك الله خير على هالدعوة اللي تكفي عن كل الالغاز بيض الله وجهك اخوي

صح بدنك ،، ويؤسفني أن اقول مالك لوا بالرمعتين والحل فالرمعه الجااايه

صح بدنك يالشامخ ،، مالك لوا

اللغز انتهى وقضا عليه ابوهليل

	المشاركة الأصلية كتبت بواسطة خليجي نت

	اقدم لكم هذا اللغز الجديد اَمل ان ينال اعجابكم أنا بنشدك عن رجلٍ له أربع بنات =أربعٍ كلّبوهن وسط جوفه سوا حتى بالشكل والمضمون متشابهات=منها للضيف يِقدّم ممّا طاب وحوا حجمهن من نفس النمونه متساويات =وانت الا ماذكرت ابوهن مالك لوا

وش تقول طال عمرك بالمن والمن اربع مراحل وكل مرحله تحتوي على 60كيلو تمر
والتمر اول مايقدم لضيف يقول شاعرماعرف اسمه (اول قراهم من حليات الاثمار=غرايسن طلعة سهيل لفنا)

	المشاركة الأصلية كتبت بواسطة خليجي نت

	أنا بنشدك عن رجلٍ له أربع بنات =أربعٍ كلّبوهن وسط جوفه سوا حتى بالشكل والمضمون متشابهات=منها للضيف يِقدّم ممّا طاب وحوا حجمهن (( من )) نفس النمونه متساويات =وانت الا ماذكرت ابوهن مالك لوا

	المشاركة الأصلية كتبت بواسطة ابوهليل

	وش تقول طال عمرك بالمن والمن اربع مراحل وكل مرحله تحتوي على 60كيلو تمر والتمر اول مايقدم لضيف يقول شاعرماعرف اسمه (اول قراهم من حليات الاثمار=غرايسن طلعة سهيل لفنا)

اقول ،، صح لسااااانك مليون ماشاء الله يابوهليل بيض الله وجهك على الحل الوافي

(( المن ))

عباره عن أربع قلال تمر كل قلّه لايزيد وزنها ولاينقص عن 60 كيلو واجمالي وزن المن كله240 كيلو

لكن في شرحك أعلاه ،، مدري وش تقصد بالمراحل ،، عموماً ماقصرت فيه من أول رمعه

أود أن اوضح لك وللقرّاء الكرام أن فكرة هذا اللغز في الأساس لأستاذي القدير وجودك يكفي كان لغز محبوك في منتهى الروعه وأتعبنا بالتفكير فيه

لكن من اعجابي باللغز والفكره رأيت أنه لايمنع من تجديد صياغة اللغز بشكل اَخر ،،

تحيتي لكم