ياسلام الله عليكم نبتدي

السلام عليكم ورحمة الله وبركاته


/

قصيده من القصايد القديمه وكتبتها عند تسجيلي في احد المنتديات
واتمنا ان تروق لكم


:

سارعي للمجد والبيرق علّيِ
يابلادي اوعدك عهد/ن علّي
لك ناقف مثل ابن طالب علّي
وان قضا نحبي لذكري مجّدي
قبل لانرسل على ساعي البريد
وقبل لاتحكي حروفي وش نريد
ياعسا منكم نفيد ونستفيد
وياسلام الله عليكم نبتدّي
مانغني من وراى خلف الصفوف
خلها ياللي تصفق بالكفوف
طرقنا طرق الهلالي ومعروف
وانا شاعر سبحتي دوم فيّدي
ابرم السبحة على كل التجاه
وافهق اعقالي كاني فالصلاه
ثم ادور حرف يبهر من قراه
وارتقي بالذايقه فوق الجدي
القصيده نبض من وحي الهجوس
والجزاله نادره كالعيطموس
هي غذى لروح هي شف النفوس
والله أن الجزل دايم مقصيدي
ماعليه اكتب احساسي سريع
الله اعطاني قلم حبر/ن بديع
حرف شعري سهل لكنه منيع
غصن شوكن يحمي الورد الندي
لي هجوس/ن ماتبي غير المحال
ولي قريحه تقصم اظهور الجمال
ولي خيال/ن شامخـ ن مثل الجبال
شاعر/ن مشهور ماني مبتدي
مثل ابن جدلان سعد الأكلبي
ارسم المعنى بشكل/ن لولبي
العُلى والعز غاية مطلبي
ننصر المضلوم لو حرف ابجدي
صرت انا وهواء نفسي في جهاد
انتنقل من بلاد ليا بلاد
نبحث الجزلات من روس العناد
ياعسا في منتداكم نهتدي
الشعر ماروث ديوان العرب
كان ماللبسه بسوار الذهب
وارسم عيونه على ظل الهدب
عن بحور الشعر والله احتدي
كثرو الشُعار في هذا الزمن
كآ غثاء السيل لامنه طمن
الادب والفن يشكيهم لمن
دام محكوم/ن بسجن مأبدي
المجامل فالشعر لامايصير
والكذب معروف له حبل/ن قصير
ومايقارن زل فارس بالحصير
خل نقدك ذوق هادي مهتدي
التفوق دوم للحر السبوق
ماسرق حرف/ن ولا طبعه سروق
ترجم احساسه بما يحوي الخفوق
تشهد حروفه وفعله يشهدي
الحداثه فن له باب وجواب
فيه الابداع/ن وفيه المستعاب
كان بدل صورة احساسه سراب
حادر/ن لشّعب ماهو مسندي
وال يادرب المشاكل ليش ويش
ماابي امشيك لومفروش ريش
فارس/ن مابالتفت ياكود جيش
التفتله ثم اسل مهندي
واللي في دربي بيحفرللحفر
يسوى عندي فالشمال اكبر صفر
والله اني لدعسه تحت الكفر
سولت نفسه وجاني معتدي
ودامني حي/ن وباقي لي حيات
مايبات القلب وافكاري شتات
ببذل المجهود في كل الجهات
لين فيك اسعد ومثلي تسعدي
هبة الأزيب بذعذاع الجنوب
ذكرتني ريم في صدري لعوب
جلّ خلاق/ن خلقها بلا عيوب
ودها جوف الحنايا مجندي
لاذكرت الخل ياحرف معذور
لجل خلي أحترق مثل البخور
ولجل عينه انحت فصم الصخور
اكتب اشواقي واغني وانشدي
صابني سهمن من سهوم الهوى
غاص فضلوعي وفي قلبي هوى
هو صحيح القلب مايوم ارتوى
ضامي/ن في ودكم متأكدي
الله الله ياندي/ن من غمام
راعني ياعبق نفحات الخزام
ياصغير السن والله ذا حرام
شوفني عايش في ليل/ن سرمدي
ياوجودي كل ماعيني تلد
في ديار الخل واطلال البلد
وجد والد فاقد/ن لغلى ولد
الزمن قاسي وحظه مرتدي
مابقا من قصرنا ماغير سور
حتى ساس الجدر ياصاح محفور
مانظن السور يصمد لو شهور
رمرمه يانور عيني يابعدي
مشكله من كبرها ناقف نطيح
مشكله مانقدر نقول الصحيح
مشكله مجروح من قلب/ن جريح
حلها يزحف وهي عنّه تعدي
ياعسا فالقلب لازال الحنين
ياعسا تذكرني مع مر السنين
وياعسا اببقا فصدرك لو دفين
راضي/ن بضلوعك اتكون لحدي
كان انا روحت وانت اللي نسيت
والجفا مقصود وانت له بغيت
والله اني مخطي يوم اني لفيت
مدّ يدك ردني صوب بلدّي
من أذيّن القلب والحبل الوريد
ياسلام الله عليكم من جديد
فالبدايه حتى فختام القصيد
ياديار/ن ماسكن فيها ردي

صح لسانك على هالقصيده الجميله
وانت شاعر متمكن ولاهو غريب عليك الشعر الطيب


تحيتي


بانتظار جديدك

قصيده في قمة الروعه وهذا ليس بغريب عليك يافايز المحيسن
بيض الله وجهك وصح لسانك مليااااااااااااار تحيااااااااااااااتي

	المشاركة الأصلية كتبت بواسطة فايز المحيسن

	السلام عليكم ورحمة الله وبركاته / قصيده من القصايد القديمه وكتبتها عند تسجيلي في احد المنتديات واتمنا ان تروق لكم : سارعي للمجد والبيرق علّيِ يابلادي اوعدك عهد/ن علّي لك ناقف مثل ابن طالب علّي وان قضا نحبي لذكري مجّدي قبل لانرسل على ساعي البريد وقبل لاتحكي حروفي وش نريد ياعسا منكم نفيد ونستفيد وياسلام الله عليكم نبتدّي مانغني من وراى خلف الصفوف خلها ياللي تصفق بالكفوف طرقنا طرق الهلالي ومعروف وانا شاعر سبحتي دوم فيّدي ابرم السبحة على كل التجاه وافهق اعقالي كاني فالصلاه ثم ادور حرف يبهر من قراه وارتقي بالذايقه فوق الجدي القصيده نبض من وحي الهجوس والجزاله نادره كالعيطموس هي غذى لروح هي شف النفوس والله أن الجزل دايم مقصيدي ماعليه اكتب احساسي سريع الله اعطاني قلم حبر/ن بديع حرف شعري سهل لكنه منيع غصن شوكن يحمي الورد الندي لي هجوس/ن ماتبي غير المحال ولي قريحه تقصم اظهور الجمال ولي خيال/ن شامخـ ن مثل الجبال شاعر/ن مشهور ماني مبتدي مثل ابن جدلان سعد الأكلبي ارسم المعنى بشكل/ن لولبي العُلى والعز غاية مطلبي ننصر المضلوم لو حرف ابجدي صرت انا وهواء نفسي في جهاد انتنقل من بلاد ليا بلاد نبحث الجزلات من روس العناد ياعسا في منتداكم نهتدي الشعر ماروث ديوان العرب كان ماللبسه بسوار الذهب وارسم عيونه على ظل الهدب عن بحور الشعر والله احتدي كثرو الشُعار في هذا الزمن كآ غثاء السيل لامنه طمن الادب والفن يشكيهم لمن دام محكوم/ن بسجن مأبدي المجامل فالشعر لامايصير والكذب معروف له حبل/ن قصير ومايقارن زل فارس بالحصير خل نقدك ذوق هادي مهتدي التفوق دوم للحر السبوق ماسرق حرف/ن ولا طبعه سروق ترجم احساسه بما يحوي الخفوق تشهد حروفه وفعله يشهدي الحداثه فن له باب وجواب فيه الابداع/ن وفيه المستعاب كان بدل صورة احساسه سراب حادر/ن لشّعب ماهو مسندي وال يادرب المشاكل ليش ويش ماابي امشيك لومفروش ريش فارس/ن مابالتفت ياكود جيش التفتله ثم اسل مهندي واللي في دربي بيحفرللحفر يسوى عندي فالشمال اكبر صفر والله اني لدعسه تحت الكفر سولت نفسه وجاني معتدي ودامني حي/ن وباقي لي حيات مايبات القلب وافكاري شتات ببذل المجهود في كل الجهات لين فيك اسعد ومثلي تسعدي هبة الأزيب بذعذاع الجنوب ذكرتني ريم في صدري لعوب جلّ خلاق/ن خلقها بلا عيوب ودها جوف الحنايا مجندي لاذكرت الخل ياحرف معذور لجل خلي أحترق مثل البخور ولجل عينه انحت فصم الصخور اكتب اشواقي واغني وانشدي صابني سهمن من سهوم الهوى غاص فضلوعي وفي قلبي هوى هو صحيح القلب مايوم ارتوى ضامي/ن في ودكم متأكدي الله الله ياندي/ن من غمام راعني ياعبق نفحات الخزام ياصغير السن والله ذا حرام شوفني عايش في ليل/ن سرمدي ياوجودي كل ماعيني تلد في ديار الخل واطلال البلد وجد والد فاقد/ن لغلى ولد الزمن قاسي وحظه مرتدي مابقا من قصرنا ماغير سور حتى ساس الجدر ياصاح محفور مانظن السور يصمد لو شهور رمرمه يانور عيني يابعدي مشكله من كبرها ناقف نطيح مشكله مانقدر نقول الصحيح مشكله مجروح من قلب/ن جريح حلها يزحف وهي عنّه تعدي ياعسا فالقلب لازال الحنين ياعسا تذكرني مع مر السنين وياعسا اببقا فصدرك لو دفين راضي/ن بضلوعك اتكون لحدي كان انا روحت وانت اللي نسيت والجفا مقصود وانت له بغيت والله اني مخطي يوم اني لفيت مدّ يدك ردني صوب بلدّي من أذيّن القلب والحبل الوريد ياسلام الله عليكم من جديد فالبدايه حتى فختام القصيد ياديار/ن ماسكن فيها ردي

قصيدة جزلة وانت جزل يابو ماجد

بيض الله وجهك على هذه الدرر

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الشاعر /فايز المحيسن
صح لسانك وعتلا شانك

الشاعر فايز المحيسن

بدايات رائعة ولا زال العطاء مستمر

صح لسانك على هذة المنظومة الشعرية

رائعة بالفعل

ودي وتقديري لك

قصيدة جزلة رائعة كروعة حضورك الراقي
دمت ودام هذا الحضور الراقي
شاعر متمكن بيض الله وجهك

ماعليه اكتب احساسي سريع
الله اعطاني قلم حبر/ن بديع
حرف شعري سهل لكنه منيع
غصن شوكن يحمي الورد الندي

صح لســانك ولله دررك قصيده جزله من شاعر جزل دمت بخير

[table1="width:95%;"]