1673لغز جديد متعوب عليه .محلول حله ابوهليل صح لسانه

اطرح لكم هذا اللغزالجـــديــد واللي مايحله



انشدك عن ورعٍ سنونه مشانيف :ـ:ـ:ـ يدخل بطن امه وتسمع كظيمه
وأمه تعرطبه لأنه مليقيف :ـ:ـ:ـ واللي غير امه تكره ماتريمه
ورعٍ له المعروف بكل المواقيف :ـ:ـ:ـ وامه ترى لولاه طرمه بليمه

انتها اللغز . بالتوفيق ,,,

الاخ العزير ابو سامر الحربي: اسعدك الله في الدنيا والآخرة: وأشكرك على اللغز الرائع بيض الله وجهك وصح السانك:
وحبيت افتح باب الرمعات بهالرمعه: المتواضعه:وش رايك: بالمشط : ومه البندق

حياك الله يابو فهد ياشيخنا استفدنا الكثير من اتروحاتك الدينيه جزاك الله خير وانت شيخنا بهذا لملتقى يابو فهد .
واما الرمعه مالك لواء خيرها بغيرها .

الام الدباسه
الولد الدبوس
والعلم عندك يابو سامر الحربي

يشرفني حضورك ومرورك ياسعد ومالك لواء .

صح لسانك يابو سامر
ومشكور على الغز الجزل الله يعطيك العافيه
وش تقول بمفتاح السياره الي يشغلها

	المشاركة الأصلية كتبت بواسطة ابوهليل

	صح لسانك يابو سامر ومشكور على الغز الجزل الله يعطيك العافيه وش تقول بمفتاح السياره الي يشغلها

وأنا أوافقك في الرمعة ياابو هليل والجائزة مناصفة هههههههههه

وصح لسان ابو سامر وبيض الله وجهه .

صح لساانك الشااعر

اتووقع.. الكااسيت وأمة المسجل

الام مكينة الحلاق والابن راس المكينه الي تحلقبه

ابو هليل ماشاء الله عليك بواردي من الدرجه الاولى صح الله لسانك واعتلا شانك صحيح ( مفتاح السياره )
اشكر الاخوه الذين تفاعلوه مع اللغز .
علما ان اللغز للشاعر / مطاوع بن بقيه العريمه المزيني .
ودمتم بود ,,,,