الحمدلله مرحوم جدي تربى على الطيب

الحمدلله مرحوم جدي تربى على الطيب
سيف سطا برق سطع شاهق(ن)في ارتفاعه
والحمدلله رجالنا ما تهاب المصاعيب
تكسر صخور الشجاعه لا طقت ساعه بساعه
والحمدلله حاشانا درب قصور وعذاريب
ربينا بالشرف من يومنا اطفال رضاعه
والحمدلله بالصبر ما شكينا اللواهيب
عندنا من سموم اللواهيب صبر ومناعه
والحمد لله لو ان الاسد غير علوم الذيب
ما غير العادات وما يطلع الشرش من قاعه
والحمدلله ما هاب لو كثرت علي المحاريب
لبيت عركات السيوف دفاع ركن وضلاعه
والحمدلله صلب المعادن قاسيات بالطيب
مالان الحامنا خوف تعليق بعض الجماعه
والحمدلله خوة الطيبين عز ومكاسيب
وقفاتهم تكفي عن مكاييل زود البضاعه
والحمدلله خلقنا من تراب في تريب
والعمر لا مضا بافعال ابن ادم يختم وداعه
اما هجله خمجه والا تصفى له المشاريب
في جنان الخلد يشمخ في العلا والرفاعه
والحمدلله معتلي يحسب علينا تحاسيب
له الولا مولى اعتلا منه الامر ومنا الطاعه
والحمدلله منصف المظلوم من كل نصييب
عنده الحق لا من ضاع عند القانون وشراعه
والحمد لله يعلم اسرارنا والغيب
ما همني غيره واقولها عن صدق وشجاعه

(يحيى الصبحي الحربي)

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صـــــــــــــــــــــــــــح لسانك

صح لسانك

وبيض الله وجهك

صحت ابدانكم واشكر الجميع على المرور

,
,
,
صح لسانك وسلم بنانك
قصيدة وافيه من وافي
بيض الله وجهك يالذيب
اتمنى لك التوفيق
اخيك ابو فياض النويمي

رابح

المعرف ربما قصد جبل صبح لماذا لاتحاول تغييره


وصح لسانك ياجبل صبح

وجه الاسد اشكرك على المرور وبالنسبه للمعرف ما هو راضي يكتب الا هالاسم لامانع من تغييره اذا امكن.

صح لسانك أخوي

قصيده رائعة

لاهنت

صح لسانك وبيض الله وجهك

قصيدة جزلة من راس شامخ

لاخلا ولا عدم يالنشمي