روائع شعريه |
روائع الكسرات |
|
||||||||||
مــلــتــقــى الــقــوافــي الإبحار في عالم الشعر |
|
أدوات الموضوع | إبحث في الموضوع | انواع عرض الموضوع |
|
05-12-07, 01:26 AM | #1 |
شـــــاعر
|
الشاعر الكبير فلاح بن مبرد
السلام عليكم ورحمة الله وبركاته
هذه قصيده للشاعر الكبير فلاح بن مبرد الحميداني المطيري .. وجدت في ديوانه هذه القصيده فأعجبتني وكلمته وطلبت مجارتها .. فقال انه شرف له وانه يعتز بها
خانت الدنيا بها أفكـار مـن فكّرتحيـر=من تخاليف الدّواليـب مـا فيهـا قـرار لو صفت في يوم باليوم الآخـر تستديـر=ما يجي من حلوها كثر ماتعطـي مـرار صار ممشاها بها الوقت مع مجرى عسير=غيرت منهاجها الزين والوقـت أستـدار طمّنت روس الحمايل مدلّهـت القصيـر=الرجال اللّي من أول لهـا قـدر ووقـار وأرتفع فيها رجال أسم والأ الفعـل غيـر=صار طيب اليوم لأهل المناصب والتجار كم تلقّـي وجههـا واحـدٍ مافيـه خيـر=لانصوه أهل المواجيـب طيبـه بالعـذار من عجب ماشفت فيها وانا توّي صغيـر=آخر الوقت أشترى الخيل ركّاب الحمـار قبـل مايقنونهـا إلا مفرّحـت النـذيـر=لاسمع فـي سربـةٍ حاولـت هكالديـار لا توكّد بالخبر واوصـل العلـم الأميـر=قال خفت يحاولون العرب مأنتم حضـار قال لّه علمك وصل وصّلك ربـي لخيـر=بس مانرحل عن الدار لو راحـت عمـار من كتبله طولت العمر ماعمـره قصيـر=ولاتطول أعمار ناس كتبهـا الله قصـار يوم ثاني بالضّحى جاهم الراعـي مغيـر=صاح بأعلى الصوت يالابتي يأهل البكار لجّ كلّ النجع صوت الكبير مع الصغيـر=وأهل العادات ركبوا علـى قـبّ المهـار جلّعن مثل القطا اللّي يبـا نقعـة غديـر=صافقه لاهوب صيفٍ ميبّسـن الخضـار يوم شافوهم ولحقوا علـى شـرٍّ وخيـر=اسهمت بمجرّب يوم شاف الجمـع أغـار ضاريٍ في جدعة الشيخ باليـوم الكبيـر=لا تلاقـن السبايـا وحـسّ الهيـج ثـار وارده باللّي تداوي الغليـل مـن المغيـر=مانسى الصيحه وهو يسمع حنين أم الحوار هيض الهاجس نبع شعر من شاعر كبير=شاعرن ينقى الجواهر من اعماق البحار يفتل وينقض ويغرف من البحر الغزير=شاعرن مأياخذ الاالنوادر والخيار من فحول الشعر يااخظعله القاف العسير=وتستجيب أله القوافي وتعطيه الخيار الحميداني فلاح ابن مبرد من مطير=من رجالن فعلهم واظحن مثل النهار قاس وزنة وقته الي مضى مع الااخير=وشاف فالدنيا والايام ميله وانحدار واشتكى جور الليالي ومن وظعن خطير=يوم شاف الوقت جاير ولهل الطيب جار والله اني شايفن يابن مبرد مايثير=يذهل العقال ويصيبهم بالاانهيار ذا زمان العولمه صار به مالايصير=وبدلت فيه اليمين الطويله بااليسار الفلك دوار والوقت ماعنده ظمير=وش يفيد الصوت ياصاحبي فات القطار وقتنا ماعاد به لاشداد ولابعير=من معه مليار شيخن ومن معدن حرار ذا زمانن حامل المسك به نفاخ كير=والردي فيه اصبح امقدر وشباب نار ذا زمان البغض والحقد والحسد لنكير=والحسد جفت من اسبابه مياه البيار طمن ازحول المراجل هلا السيف الشطير=واعتلو من لالهم من قديم الوقت كار المعاني واضحه للبصير ولضرير=بينه مثل لقمر ما ايغطيها الغبار حكمتن للخالق لباري الرب القدير=كل ماينزل لخلقه مواعظ واختبار والختام اقبل شذى العود مع نفح العبير=مع سلامن طيبه الكادى مع نفح البهار قالها سلطان ماله شوير والاخشير=شاعرن مااخذ من اشعار غيره واستعار من قبيلة حرب كسابت الفعل الشهير=والعرب ماذمهم نعم في كل الديار |
05-12-07, 01:42 AM | #2 |
12-12-07, 12:42 AM | #3 |
05-12-07, 08:17 AM | #4 |
05-12-07, 09:47 AM | #5 |
05-12-07, 11:31 AM | #6 |
05-12-07, 01:03 PM | #7 |
05-12-07, 01:47 PM | #8 | |
إنتقل إلى رحمة الله تعالى
|
صح لسانك قصيده رائعه
من شعار مبدعين تحياتي |
|
05-12-07, 02:09 PM | #9 |
05-12-07, 02:26 PM | #10 | |||||||||||||||||||||
شـــــاعر
|
وش ابى اقول ما اقول غير بيض الله وجهك وصح لسانك مليون يالقرم مجاراه جزله من شاعر عودنا على الجزاله والقوه لله درك يابن عوض تقبل اعجابي ووتحياتي وتقديري |
|||||||||||||||||||||
|
|