قولوا لها ما عاد يقوى على جفا====والروح ما تقبل سواها عنودها

قولوا لها

الله يذكر يوم كنا نعودَهَا=ذيك الديار اللي عشقنا حُدودَهَا
اللي غلاها مِن غلا مَن سكن بَهَا=روحٍ عطت للروح معنى وجودَهَا
كانت سماي اللي تقلِّب سحابِتِي=كانت أحن من المحنَّه رُعودَهَا
كانت سعاده ما قدرت اهتني بَهَا=من كثر ما تفرض علينا قُيودَهَا
يا عين حسبك...ما تفيدك مدامِعِك=كم مرّةٍ توعد وتخلف وعودَهَا
كم ضيقةٍ صاحت:تراني انا لَهَا=وتْسوق حجَّتها وتِشْهد شُهُودَهَا
وتْهلِّ تجهد كلِّ عينٍ بكتْ لَهَا =وْلا فادت آهات العيون وجُهُودَهَا
وِالضيقه اللي احسِب انْها تِبَدِّدَت=جابت عقب هلَّ المدامع جُدُودَهَا
وين الفرح يا عين ...هذي عَبَايِرِي=ويش الوسيله...لا تقولي بِزودَهَا
ويش الوسيله يا "محمد" لِشوفَهَا=ملّيت انا ياخوك كثرة صُدودَهَا
كلْمَ ذْكرت قسوة هواي وْطِياشِتِي=القى قِطِيعه والعناد بْرُدودَهَا
أدري خدعني طيش...وادري ظلمْتَهَا=خنت الوفا والحب واصدق عُهُودَهَا
وادري بكا مَ يْفيد...ما هو وسيلِتِي=بس النّدم بالروح بدّد بُرودَهَا
جرح الهجر...ما زال ينزف...ما نِضَب=نار الوله...ما زال وقتي وقودَهَا
قولوا لها ياخوك ترجع لِدنيِتِي=ما عدْتِ أَقوى يا عضيدي جُحُودَهَا
قولوا لها ما عاد يقوى على جِفَا=والروح ما تقبل سواها عَنُودَهَا

للتحميل صوت 2 ميجا بايت
http://www.herosh.com/download/43118..._.___.mp3.html

صح لسانك مليون على القصيده
والله يعطيك العافيه
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يعطيك العافيه بيض الله وجهك

ولسانك اخي الكريم


شكرا لك

صح لسانك وييض الله وجهك يالنشمي

لك خالص التقدير

	المشاركة الأصلية كتبت بواسطة فواز الزويهري

	صح لسانك وييض الله وجهك يالنشمي لك خالص التقدير

ولسانك اخي الكريم


شكرا لك

صح لسانك اخوي جرير
وبيض الله وجهك
قصيده جزله من شاعر جزل
لاهنت
احترااامي

	المشاركة الأصلية كتبت بواسطة سعودية

	صح لسانك اخوي جرير وبيض الله وجهك قصيده جزله من شاعر جزل لاهنت احترااامي

ليش حكمتي انها نقل انا مش اعمى وادري انه هالمنتدى لمشاركات الاعضاء


شكرا لك

صح لسانك ياشاعرنا جرير

وبيض الله وجهك ياذيب

وقصيده جزله من شاعر جزل

	المشاركة الأصلية كتبت بواسطة فايز المحيسن

	صح لسانك ياشاعرنا جرير وبيض الله وجهك ياذيب وقصيده جزله من شاعر جزل

ولسانك اخي الكريم


شكرا لك