ياشمس ياقمرا وياروح ياموت

[poem=font=",7,white,bold,normal" bkcolor="darkred" bkimage="" border="solid,4,green" type=2 line=0 align=center use=ex num="0,black""]
ياقايد اللي صدرها يسبق الصوت=لازتها النفاث فوق الغيومي
لاطايله رشاش والا بتريوت=ولاتكفخ الا بالقرار الحكومي
في وصلها الرحمه وفي ضربها الموت=اف ستطعش مشهاة عجل اللزومي
اللي مثل حالي غدا لغم موقوت=ولاعاد له قلب(ن) صبور وكتومي
خذني معك من دون تصريح وكروت=واعطيك ماتبغاه مهما تسومي
لي حاجة(ن) بالشرق ماوالله تفوت=مادام صدري ياخذ انفاس يومي
نبي نودع نجد وديار وخبوت=لبيوت فيها طب قاسي همومي
وقبل البحر بشوي خفف لها القوت=هي بس كيلوين ونقول صومي
ولم براشوتك وعطني براشوت=ثم خل الاف تهف وتروح تومي
ودعتك الله جعلك اليوم مبخوت=ترى الوعد من عقب قضية لزومي
نيشاني محدد وبالقلب منحوت=تشدني له قبل شوفي عزومي
ماله شبيه(ن) بين جدران وبيوت=في ظلمة الليل العتم له وسومي
كنه مرصع في زمرد وياقوت=من قيمة اللي به يدور ويحومي
دار الغزال اللي له السر مكبوت=لو هو بكفي ماتشوفه كمومي
هلا هلا يامجدد(ن) عين جالوت=بين الضلوع مركز(ن) لك سهومي
ياشمس ياقمرا وياروح ياموت=ياالماس يادانه ويااغلى الختومي
ياعود ياعنبر وياورد ياتوت=ماعاد بي كتمان يابنت قومي
الى عطيتك صوت ردي علي صوت=مافيه مخلوق(ن) درا بالعلومي
غني طرب وانسي حسد كل هلفوت=صفيتهم من قبل اسري نجومي
عاداتنا نكتم نسم كل ممقوت=جينات جتنا من قروم لقرومي
مااخشى ولاارجي غير من طاعه الحوت=يرمي بيونس للسهل والرجومي[/poem]
وسلامتكم..
نايف بن عيسى العويمر الحصني

صح السانك يابن العم وبيض الله وجهك شاعر متمكن ومشهودلك
تقبل تحياتي 0000 وننتضر جديدك

صح لسانك اخوي نائف بن عيسى على هذه الشامخه

سلمت وسلم فكرك


تقبل مروري

[frame="15 10"]قصيده جزله صح لسانك[/frame]

صح لسانك يانايف --- لاتحرمنا من جديدك ----
تحياتي

[align=center]

[glow=ffffff]
صح لسانك مليون على القصيده
والله يـعـطـيـك الـعـافيـــــــــــة
بيض الله وجهك[/glow]


[/align]

[frame="15 70"]صح الله لسانك
ولاهنت
وسلم فكرك وبنانك
دمت برعاية الله وحفظة[/frame]

ياهلا ومرحبا ابو مشاري صح بدنك ولاهنت على المرور

هلابك ياشوق نجد صح بدنك والشامخ مرورك

محمد عويض البدراني

صح بدنك ولاهنت على المرور