بعض قصائد الوالد سالم بن عوض الطحش المخلفي

السلام عليكم ورحمه الله وبركاته

[align=justify]

تعتبر هذه المشاركه هي أول مشاركه لي في هذا الصرح الشامخ اتمنى ان تنال على رضائكم واستحسانكم

..[/align]

المشاركه عباره عن بعض من قصائد والدي الشاعر سالم بن عوض المخلفي :::

القصيده الاولى

[poem=font=",6,,normal,normal" bkcolor="transparent" bkimage="http://www.alhroob.com/vb/mwaextraedit2/backgrounds/6.gif" border="solid,4," type=0 line=0 align=center use=ex num="0,black""]
يانجد في سر الخبر صارحينا=سلتك أب رب البيت وش جاك منا
قمتي علينا بالعطاء تبخلينا=والغيض بعيونك اليا ناظرنا
كان الخطا من عندنا خبرينا=أما اعتذرنا منك والا قبلنا
حناهلك وأبحب شوفك بلينا=نحزن لحزنك وال طربك انتغنا
والياسهرتي بالكرى مااهتنينا=كذاب من قال اب غلاك استهنا
لاتصدقين الي يتقيول علينا=الي طعنك اب مايقول أوطعنا
حنا الذي بأول صباك اعتنينا=وبأموالنا وأرواحنا ما بخلنا
ليما غديتي درة العاشقينا=وسقنامهرك وبزفاف احتفلنا
جعنا من أجلك بالطريق وضمينا=وسقنا على حوض المنايا جملنا
تذكري وقفاتنا وذكرينا=ليامن صعبات المواقف دعنا
ماأقول بيعي غيرنا واشترينا=ولاأغدري فيمن عليك أوتمنا
لكن أقول أبقي مثل مابقينا=حناهل التوحيد وأنتي وطنا
على قدر عشق الجدود اعشقنا=حنا أهلك وأهل الفعل ذاك أهلنا
عقب على روس الأفاعي وطينا=لاتحببين خشومنا ياكلنا
ماودنا نرجع مثل مابدينا=من عقب قلناجت على مانتمنا[/poem]

القصيده الثانيه

[poem=font=",6,,normal,normal" bkcolor="transparent" bkimage="http://www.alhroob.com/vb/mwaextraedit2/backgrounds/6.gif" border="solid,4," type=0 line=0 align=center use=ex num="0,black""]
الى متى ياخافقي ماهي سنة ولاشهر=الياقلت ياطيب القناعة قلت ياطيب الحليم
تقل ان دمي مويتن مرة وجدرانك فهر=والحلم مبني من قوالب ثلج ماهو من جحيم
تحرق فؤاد الصابرين وتصهر الخافق صهر=صهر الشواة اللي يقلبها على الشعلة غشيم
لولا رجانا والثقة في ربنا متنا قهر=لكن على ضوء الامل نرحل مع الدنيا ونقيم
نعيش مستقبل دهر خيرات ونودع دهر=على رجا بكره بعد بكره نقول الله كريم
نصنع على ضوء الامل من قاحل الصحراء نهر=ونسقيبها اغصانن لفيح اليأس خلاها رميم
نرسم على رسم الزهور الماضية رسمة زهر=ونعيشها وردة فرح تشرب على دمعة يتيم
وان ناجي نجوم الظلام السارية سر وجهر=والجدي هو شمعة دجانا كل ماشتد العتيم
صار السهر مالوف بعيوني تقل ماهو سهر=حل بمحل النوم والنوم انقلب ليه خصيم
باسباب من تبني تعاملها على بطن وظهر=لان اصلها من معدنن طيب ومظهرها وسيم
دفعت الاربع كاملات وزاد شوقي وادهر=لمداعبة سلمي يسوق الشوق ذعذاع النسيم
وعقب اعتقدت اني بطلها الفذ واكملت المهر=رديت اراجع ذكريات العام والسجل القديم
ورتني نجوم الظهر سلمي تحت شمس الظهر=في صحصح مافيه غير الشوك وجذور الهشيم
يامن بفعل الطيب والمعروف قيم واشتهر=عطني بها وجهة نظر والحكم للفرد الحكيم[/poem]

القصيده الثالثه

[poem=font=",6,,normal,normal" bkcolor="transparent" bkimage="http://www.alhroob.com/vb/mwaextraedit2/backgrounds/6.gif" border="solid,4," type=0 line=0 align=center use=ex num="0,black""]
ياعونه الله مابقي للوفاء فيّ=وصدق النوايا راح مع عاشقينه
وتكفى تقافا ركبها مابقى شيّ=اقفايه الماسوق مع كاسبينه
ودخل بمنهاج الثقه مسلك ً سيّ=يلقى بها المحتال وجبه سمينه
لوقلت منهاج الثقه من مباديّ=ياماجرعنا بالثقه من غبينه
لكن غلاها فيه طول تماديّ=لين أودعتني للأفاعي رهينه
من حبها صرت أمسك الجمر بيديّ=واطفيه من دم العروق الثمينه
وأثر المروه عند الانذال والعيّ=مثل الربا يمحق جهد فاعلينه
عمار ياصرحً طواه الزمن طيّ=مثل الحطب قامت تصرم سنينه
واقفا بمن صرح النوايا لهم زيّ=زي(ن) يليق بمستوى لابسينه
عليهم أجبر خاطري في تعازيّ=وان حن قلبي قمت أترجم حنينه
قلبً نضج ماعاد به مرفقً نيّ=مسويه مشبوه الزمان وعوينه
يامقارنين إيامنا ذيك مع ذيّ=يابعد فرقا الوقت ومقارنينه
لكن طواري قلوبكم غير طاريّ=وإلا السكانه ماتسمى سكينه
والحنظله لوهي على منبع الريّ=لازاد غصنه بالثمر زاد شينه
قلت وانا اليا ثقل زماني مشاكيّ=والصدر صار لسفن الاحداث مينه
كثفت مجهودي وزدت بمساعيّ=ورفعت للعليا شراع السفينه
واللاش لوهو واحدً من بنيخيّ=لا واقفً ضده ولامستعينه
وأن جار به جور الدهر وأنتخى بيّ=يعيش معي بشين وقتي وزينه[/poem]

القصيده الرابعه

[poem=font=",6,,normal,normal" bkcolor="transparent" bkimage="http://www.alhroob.com/vb/mwaextraedit2/backgrounds/6.gif" border="solid,4," type=0 line=0 align=center use=ex num="0,black""]
ليا قلت مدري لونك تعرف السيرة=سلمت من شرهت العالم وضيقتها
مدري تسكر على خصمك معابيره=وتحفظ لنفسك عن الهفوة كرمتها
وصندوق سرك مفاتيحه وتسكيره=بيدك وأنت المكلف عن سلامتها
كنز وهب لك ولي العرش تدبيره=لا تودعه عند خلق الله وتشمتها
ليا عطيته لشخص وسلمه غيره=لا تحمل النفس ضيقتن فوق ضيقتها
السر مثل القزازه صعب تجبيره=عندك خبر بالقزازه وان كسارتها
وان جيب لك علم برق في مصاديره=لين تعرف مصدر القصة ويمتها
بعض السوالف مثل خط الطباشيره=ترسم بها حاجه تمسح بساعتها
حنا بزمان الامان ومصدر الذيره=في هجرته زيفها غطى حقيقتها
مهما نقول الخوي محفوظ تقديره=اشوف بعض العرب يشمت بخوتها
والهرج واجد بحق الجار والجيره =به ناس تمدح وناس تسب جيرتها
ولادري بعد وش سمعت بمنهج الغيره=تقل اختلف منهج الغيره وسيرتها
واللي على الزور عاش ومهنته زيره =ومشاكل الناس يفرح بستثارتها
عن ديرتن تستضيفه بعد الديره=ورزقك على اللي رسم للناس قبلتها
لو عشت في صحصحن تذرى معاصيره=عن رفقه اللاش رجلك مد خطوتها
لكن عسى الله يديم الخير والخيره=ويحفظ للاسلام من يحفظ شريعتها[/poem]

القصيده الخامسه

[poem=font=",6,,normal,normal" bkcolor="transparent" bkimage="http://www.alhroob.com/vb/mwaextraedit2/backgrounds/6.gif" border="solid,4," type=0 line=0 align=center use=ex num="0,black""]
متى يبشر غريب الدار ببلاده=ويعلن غريب الفؤاد نهايه الغربه
اللي تغرب وهوفي موطن اجداده=عنده تساوى بعيد الدار مع قربه
يضحك ويمزح مع الجيران واولاده=بالجسم معهم وهاجسه قالع(ن) سربه
باربع دقايق ثمان امرار وزياده=فكره يلف الفضاء ويعود مع دربه
يفر من مجلسه ويعيف مقعاده=فزيز من شاف خصمه وواكد الحربه
وان قيل وش فيك قال المساله عاده=حاول يصيغ ارتياحه ويتضاهربه
يضحك بلا ضحك يبغى يبين اسعاده=والقلب كن الغضا المشبوب يسعربه
واليا انتحى الليل واخلا البيت رواده=قمت انشد العين نومك وين يذكربه
وسامرت ليلا معي يافي بميعاده=ابحث ملف يزيد المنظرب ضربه
واساير الهاجس اللي كن وقاده=وقاد كيرحديد الصلب يصهربه
واخذ مع ارياي تحديره ومسناده=اجمع سمان الاريا واتخيربه
وليا اطيب آري ضم الجمر وخماده=ومن يقضب الجمر كل الناس تصخربه
لاشك صبري على الكتمان وعناده=ولا علاج جرحي على يد من تفاخر به
لو من نشدني عن الموضوع وابعاده=اما فعل شي ولا قال ما اقدربه
ما قمت اعاني من الكتمان وجهاده=قمت ارفع الصوت بالموضوع واجهربه
ماني بملحد يخاف البوح بلحاده=خايف على دمه الغالي يهدربه
انا على سنه المختار واسياده=مسلم سعودي الاصل والتربه
بس اخفي العلم عن عياد وعياده=وعويد اللي لاوحى العلم شهربه
نفسه على الهرج بالاجواد منقاده=وضنه عن الخير والخيره تياسربه
ولاني بشاكي على الجمهور وافراده=شكواي للي يزيل الهم والكربه
والعبد عند الشدايد عز وعباده=حول بحبل الرجل بالله وتضهربه[/poem]

القصيده السادسه

[poem=font=",6,,normal,normal" bkcolor="transparent" bkimage="http://www.alhroob.com/vb/mwaextraedit2/backgrounds/6.gif" border="solid,4," type=0 line=0 align=center use=ex num="0,black""]
قالو بدو قلت لا شكه ولا ريبه=تعال اعلمك يالي كنت تجهنا
حنا الدو حنا اهل مكه واهل طيبه=وارض الجزيرة بلدنا واهلها حنا
وديان نجد وشجر نجد ومراقبيه=حتى الحجر لو سالته قال من حنا
تاريخنا بقمه التاريخ ترتيبه=به وسمنا وأسمنا وجذور مو طنا
شجزة نسبنا ما هي بجذور تركيبه=من ضيع اصله تسمي في قباينا
حنا هل المجد والمعروف والهيبة=والحله اللي تذري من تزبنا
والغدر وخيانه الجيران والغيبه=من قبل الاسلام ماهي من تعابنا
رجالنا كان تنشد عن عذاريبه=يرهن عباته بسوق الهيل والبنا
كلش ولا الضيف من تنقض مواجيبه=لو شان وجه الدهر للضيف ماشنا
وأنت تعرف قدرنا والعلم تدريبه=ولا نجهل اللي تريد ولا انت جاهنا
في خاطرك شيء تقبلبه وتقفيبه=وتاقف بباب الحقيقه قبل تاصنا[/poem]

صح السان الشاعر الكبير سالم المخلفي


وشكرا لك اخي سلطان


وهذي المشاركه تعتبر دعم للمنتدى


لحيث صاحبها من اعلام القبيله شعرٍ ومعرفه وكل الامور

ورجو من لديه مثل هذي الدرر يزود منتدى القبيله الرسمي
وبعد اطلاع المتابع


نقوم بنقلها الى مكان دواوين المعاصرين


ورجومن سلطان اضافة الباقي لنا


وسلملي على ابوطلال وتعذرلي منه بلقصور

[align=justify][align=right]هلا وغلا
ابو طلال مرورك على مشاركتي شرف كبير حظيت به
وانشاء الله سوف اكمل باقي قصائد الوالد بأذن الله
تقبل مروري[/align][/align]

سلطان الطحش

شلمت يمينك على نقل قصائد والدك الثمينه والرائعه وهو شاعر معروف بلاشك وله قصائد جميله


صح السانك ولسان والدك

وقصائد متميزه

[align=center]صح السانك ولسان والدك

وقصائد متميزه[/align]

الاخ سلطان الطحش
تسلم يمينك على نقل قصائد والدك الله يبيض وجهك قصايد تستحق الاشاده

سلمت يمينك أخي سلطان
والشاعر الكبير سالم بن عوض الطحش ((أبو طلال ))
من الشعراء الكبار الذي لم يعطوا حقهم وله تجربته الطويلة سواء في شعر النظم أو المحاورة

ولعلك أخي سلطان تقوم بنشر قصائده و محاورااااته ..ونحن في انتظااااااااااااارك .

[align=center]

[glow=ffffff]
الله يـعـطـيـك الـعـافيـــــــــــة على الاخـــتيار المــوفــق
وصح لسان قايلها وناقلها
بيض الله وجهك[/glow]


[/align]

الاخ سلطان
بيض الله وجـــــــــــهك ومشكور
والشاعر سالم بن عوض المخلفي
شاعر معروف وصاحب قصايد جزله اتمنى ان تزودنا من ماعندك له

[align=justify]خالد الحصني
بخيتان البشري
سعد المحمدي
الحميدي المخلفي
الحب الباقي
علي الحصني[/align]
شاكر لكم مروركم ومروركم دافع كبير لي لكي اكتب باقي القصائد