يالله يامجري ذوار الهبايب

[poem=font=",7,black,bold,normal" bkcolor="transparent" bkimage="http://www.alhroob.com/vb/mwaextraedit2/backgrounds/21.gif" border="outset,4," type=2 line=0 align=center use=ex num="0,black""]
يالله يامجري ذوار الهبـــايـب = يارازق الواد المحل بالسحـوبي
الواحد المعبود جزل الوهايـب = رب المــــــلا والمطلع بالغيوبي
يارافع عن المصاب المصـايب = يالله ياساتر جميع العيــــــوبي
ياقابل التوبه لمن جاك تــايب = يالله ياغافر جميع الذنــــــوبي
انت المعين بنازلات النــوايب =ياخير من يدعى لكشف الخطوبي
تزيل عني موجعات صعـايب = من فعلهن ضاقت علي الدروبي
اقفت زهور العمر واصبحت شايب=والعمر في حكم الحكيم محسوبي
وعاصرت بالدنيا زمان العجايب= عصر لقيته مثل ليل صلوبـــــــــي
مسايره لين انكفن الركايب= واحـاوله باللـــين عيـــا يتوبــــــي
واسوق الاريا بين مخطي وصايب=حتى تعبـت وفاختن الذهــــــوبـي
وحسب اعتقادي معظم الوقت عايب=وسبب عيابه ناقلين العيوبي
احدحضر جسمه ومبداه غايب= واحد لغيره دون تفكير لـوبـي
وبالناس من يسعى لعوج الطلايب= رايه يعاند فيه لوهو كــــذوبي
برايه يحب معقدات النشايب= و هذ المرض سبب خراب الشعوبي
وقت ليا فكرت كله غرائب=ليا بغيت الحق صار محـــــــــجوبي
حيرت فكري يازمان العجايب=عجزت لاشرح قصتك في سلوبي
أحد ضعيف الراي مهزوز خايب= وأحد مهماته كذوب لســـــوبـي
وأحد يعرف العلم لاشك هايب= ساكت ويجامل ميتين القلوبي
تم الكلام وصدرن النجايب=والشمس مالت ونتحت للغــــروبي
وصلاة ربي عد وبل السحايب= وما با لفضا من غالب ومغلــــــوبي
على نبي كل ما قال طايب= العادل المختارخير محبـــــوبي[/poem]

[align=center]صح اللسانك يابو خالد

وبيض الله وجهك

وما يعقلها الا شايب[/align]

[bor=ffff00]الاخ ابو خالد مايعقاها كود شايب الله يبيض وجهك ياشاعرنا المتجدد الله يطيل في عمرك على الطاعه ومرظات الوالدين انت رجال تفيد وتستفيد اسفدنا منك الكثير تحياتي وتقديري[/bor]

ابوخالد الفريدي

صح لسانك وبيض الله وجهك على الجزله

وجزله ماتجي اللي من شاعر جزل

اطال الله عمرك

لاهنت

[align=center]

[glow=ffffff]
صح لسانك مليون على القصيده
والله يـعـطـيـك الـعـافيـــــــــــة
بيض الله وجهك[/glow]


[/align]

صح لسانك وعلى شااانك
لاهنت على القصيده الجزله بيض الله وجهك
لا تحرمنا مما تخفيه عنا

بيض الله وجهك

اللهم صلي وسلم على نبينا محمد وعلى آله وصحبه أجمعين

صح لسانك يابوخالد والله يعطيك طولة العمر على طاعته
اشبعتنا شعر ومن اللي علية علامة الجودة
تقبل تحياتي وتقديري

الى كل الاخوة الكرام:
بخيتان البشري
سعد المحمدي
سعوديه
الحب الباقي
البلادي الحربي
الفرسني
عبدالله الفريدي
اقدم شكري وفخري وعتزازي لما ابدتم من تاييد اعتبره وسام على صدري

[frame="15 70"]صح الله لسانك
ولاهنت
وسلم فكرك وبنانك
دمت برعاية الله وحفظة[/frame]