صــوت الـطـيــور

[poem=font=",6,green,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يازين صوت الطيوراللي بروس الجريد=تلعب طرب كل ماشافت شعاع الصباح
تربط خيوط الامل مع كل فجرٍ جديد=احلامها بالحياه ورزقها بالكفاح
مستبشره كل يومٍ عندها يوم عيد=واللي عطاها السعاده عزها بالجناح
تثبت بوجه الدهر من دون قوة رصيد=وتثبت بوجه العدو من دون قوة سلاح
تاصل زراق السما بأسرع زمان وتعيد=هذا دليل الحياه الحافله بالنجاح
رغم انها في زمان اول وسيلة بريد=وفيها طيورٍ نسميها طيور الفلاح
كم هاجرت بالرسائل من مكانٍ بعيد=اتعانق المزن وتسابق هبوب الرياح
تغريدها يدخل البهجه لنفس السعيد=واللي عرف سرها من همها ماستراح
الحانها الهادئه تعزف بيوت النشيد=واشجانها المزعجه تلمس دفين الجراح
من غير حاجات يعرفها الذكي والبليد=من الحرام الحرام الى الحلال المباح
ياطيب القلب فسرها على ماتريد=لوكان تفسيرها يبغى مجي ومراح
آدم وحواء الثنين احرار ولا عبيد=والملكه الاوله حلال ولاسفاح
امسك عنان الفرس واعطيك بيت القصيد=بيني وبينك يجوز الرمز والاصطلاح
ياالله لاتجعل المعروف عند الزهيد =ولاتجعل المال بيدين العفون الشحاح
ولاتجعل الجاه للي جاههم مايفيد=ولاتجعل الامر للي ماوراهم صلاح
ثنتين كلٍ تقول الله هل من مزيد=يوم الضمائر تقلب والسرائر تباح
زبانية زنيب الخظراء بقصرٍ مشيد=من حي على الصلاه وحي على الفلاح
والهاويه برزت واغلالها من حديد=وشرابها من حميم النار سمٍ ذحاح
وزبانيتها العبيد اللي تعبد العبيد=ترمى بنارٍ شررها كبر حب اللقاح
ولافيه عزمٍ على طول المدى مايبيد=ولافيه احد مايعرف الضيق والانشراح
ياصاحب الموهبه من حقنا نستفيد=اما تناقش خبر ولاتجيب اقتراح
وان كان تنظم من الاشعار عقدٍ فريد=ومن الجواهر تسوي للقصيده وشاح
الصدق والله انه اقوى من سيوف الحديد=ولسان راعيه يمضي مثل روس الرماح
والكذب تنشب حروفه في حبال الوريد=ون طاب له مرةٍ وهقك فيها وطاح
واليااضمحلت عليك البيد وش تستفيد=اسقاك ملح البحر بعد الزلال القراح
مسيلمه قص راسه خالدابن الوليد=يوم ادعى بالنبوه وفترى واستباح
وحنا بحاجه ولكن الاكيد الاكيد =ان المرض لايزال وصاحب الطب راح
جدي وجدك بنو للناس مجدٍ تليد=لاتخذل المجد تفتح ثغرة الاجتياح
وخلاصة العلم تطلع بالكلام المفيد=والسرد مثل السراب اللي يعود ضحاح
هذي نظريتي والله عليها شهيد=ماقلتها في سبيل التسليه والمزاح [/poem]

الشاعر الكبير/ الهاب بن عوض الوسيدي

الله يعطيك العافيه على النقل

وصح لسانك ولسان شاعرها