الطير والامنيه واشياء اخرى

لاواهني الطير في سماه=الارض ارضه والسما سماه
ان حط فوق الغصن ملك اجداده=والى نوى المطير في هواه
ماقدمه حدود ترد رحاله=ولاله ولي أمرٌ سوى مولاه
والرزق متكفل به اللي جابه=من حيث مايمسي لقا عشاه
تضرب به الامثال فالتوكل=وهذي أحد ركائز الغناه
واعلى مكانه للبشر يبلغها=واعظم جزى بالاخرة يلقاه
أجر الشهيد اللي يقدم روحه=ثمن لجنة ربي ورضاه
روحه تعلق في حواصل طائر=بالعرش ماتحسب له الوفاه
الطير لو هو كائن مستحقر=الله .. بأعظم نعمةٍ حباه
يقضي نهاره في حلاوة يومه=ويرقد على التسبيح والصلاه
ولاشق نور الفجر قام يغرد=يومه بتسبيح الكريم ابداه
ماله هموم ولا يشيل أمانه=وابليس خلفه مايحث اخطاه
ياليتني مثله وامد اجناحي=وامد شوفي واسبح بفضاه
هذي مناوي والمناوي واجد=ولاكل رجال يجيب مناه
لو المناوي حيلة المتعاجز=يلقا بها عن ما عجز مسلاه
والمؤمن الكيّس فطين وحاذق=ويعمل ليومٍ كلنا عراه
وصلى الله وسلم على رسوله=ازكى صلاة للنبي مهداه
اعداد ماصلى عليه مصلي=واعداد ماينسى نبيّه لاه

يشرفني اكون أول من يعانق هذه الشامخة


صح لسانك ورفع الله قدرك وشانك

	المشاركة الأصلية كتبت بواسطة بخيتان البشري

	يشرفني اكون أول من يعانق هذه الشامخة صح لسانك ورفع الله قدرك وشانك

يشرفني مرورك الفاخر أخي بخيتان
وصح بدنك وما أطرائك لمل قدمت الا من سمو ذوقك
الله لايهينك ولا خلا ولا عدم

صح السانك عبدالله قصيده لايعلا عليها

	المشاركة الأصلية كتبت بواسطة غازي الزغيبي

	صح السانك عبدالله قصيده لايعلا عليها

ابو طلال صح بدنك
واشادتك اعتبرها شهادة من عملاق الشعر
ألف شكر على المرور الراقي الله لايهيينك

قلت قصيده هدف ومغزى وطاروق اعتبرها مميزه
مثلها ياعبد الله الفريدي الملتقى يتميز بمثل هالقصيده

	المشاركة الأصلية كتبت بواسطة ابوخالد الفريدي

	قلت قصيده هدف ومغزى وطاروق اعتبرها مميزه مثلها ياعبد الله الفريدي الملتقى يتميز بمثل هالقصيده

ابوخالد نور المتصفح بوجودك لاخلا ولا عدم
نعم هذه الابيات هادفة ارجو للجميع الفائدة
والمنتدى متميز بأمثالك الله يحفظك

صح لسانك أخي الشاعر/ عبد الله الفريدي

تسلم ويسلم بنانك ويعلو شأنك

قصيدة قيمة من شاعر قيم

دمت بخير وعافية . ،،،،،،،،

عبد الله الفريدي

صح لسانك على هذة القصيده

يعطيك الله العافيه

تقبل مروري

	المشاركة الأصلية كتبت بواسطة سعد بن نفاع الجابري

	صح لسانك أخي الشاعر/ عبد الله الفريدي تسلم ويسلم بنانك ويعلو شأنك قصيدة قيمة من شاعر قيم دمت بخير وعافية . ،،،،،،،،

صح بدنك ياسعد والله يسعدك
اشكرك ياخي العزيز على كلمات الاطراء واعجابك بما قدمت من سمؤ ذوقك
تقبل جزيل احترامي