الشاعر الكبير راشد السحيمي مع الشاعر الكبير فيصل الرياحي

راشد السحـيمي=
يامرحبا ترحيبة منها على صدري وسام=فحلال حرب أهل الفعول الأولة و التالية
قالوا معك فيصل و قلت النور أخير من الضلام=قـدوة لشعار البقوم أهل القصور العالية
فيصل الريــاحي=
دام البقاءو الله يوفقنا على درب النظام=أنتم و حنا مانبأ غير العلوم الغالية
أنا معك حاضر و لاني بألحق الطيب ملام=لكن خل القلب سالي مع قلوبٍ سالـية
راشد السحيمي=
مانتهمك بنقص ما أنته في محل الاتهام=رجال ماتغلط و غلطات الدهر متوالية
قلتم شعيل يشيلها قلنا شعيل أعـوج سنام=لكن ياويل الجمل لو يزعـــــل الجمالية
فيصل الريـاحي=
ياصاحبي ياصاحبي بين الرياجيل أحترام=و أن راحت أسلوم العرب ماتنفع الاموالية
أنته دخلت الحرب ياراشد و شديت الحزام=لكن خف ربك ترى الجـنات بالاعمالية
راشد السحـيمي=
ان حاش أبن منصور خمس أصوات مافيها كلام=فايز بكأس العــــالم اللي نظمته إيطاليه
لعلها لوقعت فالجلد ماتصل العظـام=قدرتك يامنش اللحم فوق العظام البالية
فيصل الرياحي=
أن راحت الافعال يارجال مافاد الكـلام=بجلس مع الخمسة و أخير من الديار الخالية
بعض العرب لانام ياراشد يضيعه المنام=يقــــدر يعمر له قصور فالحلام الحالية
راشد السحيمي=
لاصرت شيخ أنشدك وش فرق الحلال من الحرام=هناك زعلت جاليةو اهناك زعلت جالية
يمكن نواصـل شـغـلـنا و أنـخـلي الجـمعة دوام=لولا جوازات المدينة كثرت العمالية
فيصل الرياحي=
ماني بمفتي مير أعرف الاجر و أعرف الآثام=و الفرق واضح مثل فرق الخيل و الخيالية
خلك مع العام نصيح القلب و علومك تمام=و الغرب فيه إجبالية و الشرق فيه إجبالية

الله الله
لله دارك ياابو رامي
مبدع كالمعتاد
تحيااااتي
مشكور اخوووي وعساك دوووووم على القوه

والله ابداع صراحه طاروق خيالي من الشاعرين .. شكرا لك يابو ريماس

	الله يـعـطـيـك الـعـافيـــــــــــة بيض الله وجهك

ياسلام عليك وعلى اختيار الرائع يابو ريماس





محااوره جدا رائعه


لاهنت

ياسلام عليك وعلى اختيار الرائع يابو ريماس





محااوره جدا رائعه

محاوره رائعه جدآآ
الله يطول بعمر الشاعر الكبير راشد السحيمي
ويرحم الشاعر فيصل الرياحي

سلمت يدك يابو ريماس

الله يـعـطـيـك الـعـافيـــــــــــة
بيض الله وجهك

محاورة رائعة

رحم الله الرياحي

و طول الله بعمر شاعر حرب

قلـتـم شعـيـل يشيـلـهـا قـلـنـا شـعـيـل أعـــوج سـنــام=لــكـــن يــاويـــل الــجــمــل لــــــو يـــزعـــل الـجـمـالـيــة

اي والله يالسحيمي شعيل ماهو بشــأإيل شي :)

صح لسسانك وطول الله عمرك يا شاعر حرب وملك النقـض والله يرحم بدر الرياحي ويتغمد بروحه الجنه